هدية : مقدمة من محل بيبر مون للهدايا

Tuesday, February 26, 2013


اليوم وصلني إيميل من بيبر مون لانهم عاملين قيف اوي للبلوجرز ,.
عموماااا كنت قريبه من المكان ,. فمريت عليهم على طريقي ,.
موقعهم بمركز المنتزه في شارع التحليه الدور الارضي ,.
’,
قبل نبدأ نشوف الصور
لمحه سريعه عن الشركه ,.
الشركه اسستها نهال العمري لهم اكتر من 20 سنه بهالمجآل
عشان كدا الشغل بروفشينال ^_^
لهم فروع حول المملكة وبجدة هذا الفرع الوحيد ,.
اول مادخلت انبهرررت ,. الاشياء الكيوت تسطلني بصراحه ^_^

ترتيبهم للبوكسات كمجموعات بكل لون وتدرجاته على طاوله لوحدهااا جدااا جميل  
والترتيب نفسه مميز ويفتح النفس


كل مجموعه لونيه في معاها ورود صناعية طبعا ,. لاكن جودتها جميلة

بنفس اللون !!



دي الدرجه ماقد شفتها بااي محل هدايا ,. جداا لون فخم
مميزين  !!

بوكساتهم تلاقي منها جميع المقاسات !!
هالشئ مرا حلو لو كنتي تبيها طقم للتخزين متلااا



كمآن عندهم بوكسآت مختصه للمناسبات بيرث ديز وكدااا
التمسوح الاحمر يجننننننن ^_^
مالاحظتو الا وانا اعدل الصور لووول
 


بوكسآت للبيبيز ♥

من زاويه تانيه ,.

مجموعآت للمواليد ,.
حبيتتتتتتتتتها الالوان سوو كيوت ,.
لاكن مو هنآ القضيه ,.
القضيه اني اغرررررمت بدي الجميله
دي او دا الله اعلم ^_^
بس مررررا دخلت قلبي



الكواليتي تبع ورودهم واشكالو جدا عاجبتني ^_^



عندهم ستاندات اللكاردز متنوعه  ,.

اخر شئ لفت نظري هوا دول السطول  ,.
كانت مقفله طبعا كلها ,. فسألتو ايش دوووول !!
لما فتحهااااا ياالله شقد ريحتها جميله
هوا ورد بيجففوه ومعاه مكونات مدري ايش هيااا
واحد صورتو بس طلع في عيب بالصوره للاسف ,. :(
فيه حبوب بنيه زي القهوة ريحته جدااا رائعه
تاخذي بالكميه اللي تعجبك ,.
اخر شئ القيفت تبعهم هي ,.

بوكس ع شكل دولاب صغنن ,.

لما بتفتحي الجزء اللي فوق تلاقي مجموعه كاردز والظروف تبعهم ,.


هدول الكاردز 4 اشكال ,.

والظروف شكلين ابيض والسماوي  ,.
القيفت تبعهم جدااااا بسيطة بس حبيتهااا
اتوقع راح يتحول البوكس ,. بوكس اما للفرش او الاكسسوار اليومي ^_^
وبكدا خلصنا الفرررره بدا المحل الكيوت ,.  
4 comments on "هدية : مقدمة من محل بيبر مون للهدايا "
  1. Can you send us the photos to talent@papermoonworld.com

    ReplyDelete
  2. وه بس
    احلا تدوينه حبيتها ..
    جدا اغراضهم كيوت ..
    شكله مو عندنا بالرياض ,, لاني ماشفت المكان اللي قلتي عليه بتحليتنا ^^
    بس جد تصويرك اللي يفتح النفس خلاه مكان جميل زود ماهو جمـيل ,..
    شكرا لك .. ربي يسعد روحك

    ReplyDelete
  3. جمميل, طب وكيف اسعارو؟

    ReplyDelete

Auto Post Signature

Auto Post  Signature