مراجعة / ريفيو : رائي وتجربتي في منتجات شركة إلف E.L.F

Tuesday, February 12, 2013




’,
هآي قيرلز ,.
اليوم بعمل ريفيو بسيط عن ماركة اشتهرت بالكم سنة اللي فاتوووو
هي ماركة امريكية تعتمد طريقة البيع من الانترنت فمالها محلات اساساً
وهذا السبب الرئيسي في انخفاض اسعار منتجاتها  ,.

e.l.f




طلبت منها كذا شغلة وكانت كالتالي ..

highlighter and concealer
shimmering facial whip
complexion perfection
Golden Bronzer
e.l.f Nail polish



’,



وراح اتكلم عن كل منتج جربتوة منهم بالتفصيل الممل ,.
  highlighter and concealer







اوكي نبدأ بهالشئ .. عبارة عن هايلايتر وكونسيلر
بصراحة هو عملي بما انة اتنين بواحد ,.
ولاكن نوعيتة خفيفة جداااا
تغطيتة طبيعية اكثر من كونها تغطية احترافية ,.
يعني اذا عندك شووووي نتفتة هالآت ممكن يغطيها لك بطريقة خفيفة كمان
لدرجة اني ممكن احطة بدون اساس ولايبان اني حاطة شئ بفيسي
 
يخدم اللي تبي تغطية خفيفة وماعندها عيوب واضحه ,.



’,






بالنسبة للهايلاتر .. 
خفيف جدا جدا اللون
لايعطي اي اضاءة او لمعمة شيمرية !!!
حتى كأضاءة ناعمة تحت الحاجب يعطيك لون جدا خفيف لما يتوزع ,.




الزبدة حبيت الكونسيلر كأستعمال يومي جدا بسيط صباحي او منزلي
اما الهايلاتر استخدمتة كإضائه تحت الحاجب مناسب للصباح اكثر ,.

هنآ الالوان لزيادة التوضيح ,.



السعر  : 30 ريالز
الدرجة : المديم وهي الاغمق



’,



 shimmering facial whip




حنتكلم دحين عن الشيمر ,.
بصراحة اول ماخذت الاوردر من المندوبة
شفت المنتجات اللي صعقني فعلا حجم الشيمر جداً جداً صغير لابعد حد !!!!

اخدت منهم تو كلورز واحد جاي بينك ع سيلفر والتاني قولدن ,.

PinK


البينك اول مافتحتوة طلعت مويه منه لو عبيت فنجال منة امتلآ
مادري وين شايل هالكمية كلها وهوا نتفه  !!!!
المهم  انه عيب بالتخزين من الشركة
المهم بعد ماطلعت كل الموية اللي جواتوة طلع اللون جاي بينك ع لمعة سيلفر

حسيت انها قوية شوي مابتنفع صباحي ,. فقط للمناسبات ومع الوان شادو بارده ,.
 توزيعة فية شويه صعوبة لانة سميك نوعا ما
واذا بشرتك فيها قشور ابعدي عنة لانة بيبرزها اكثر
اذا بشرتك في منتهى النعومة وتغطية الفونديشن مزبوطة استخدمية او لاتفكري !
طبعا وسوست منة وفي اقرب زبالة


GoldeN


هدي الدرجة التانية اللي اخدتها اللي هي القولدن ,. حبيتها اكتر من اللي قبل ,.
مدري امكن عشان ماقرفتني زي اللي قبل وما طلع منها بلاوي !!

هادية لاتشوفون اللون ع ايدي تنفجعون
ع الفيس لمعه ناعمة ومو اوفر ابداااا حلوه مع مكياج برونز ,.
 حبيت هالدرجة وع فكرا جربتوة ع مرطب بس وبيس

جميل يعطيكي منظر بشرة صحيه وفيها لمعه ,.

السعر : 20 ريال للواحد
الدرجات اللي استخدمتها golden peach - pink lemonade


’,

complexion perfection







دحين بتكلم لكم عن الكومبلكسيون
بصراحة انا توقعتو كريمي شكلو بالكاتلوج يوحي بكدا !!

 وخصوصاً اني سألت المندوبة هو كريمي ؟
قالت لي اي بكل وقاحة !!!
اتوقع انها زي طقة بقية الموظفات بالمحلات تنحط في هالمكان بدون خبره تجميلية

لاعن الشركة ولا بالقليله فكره عامة عن التجميل !!

المنتج زي ماتشوفون بودرة ,. ابدا مو كريمي !!! ؟؟
اوكي هالشئ الحلو عرفناا انة بودرة بس .. ليش البودرة كدا لون ؟
للشركة نظرية تقول انة لما تدمجين البودرة مع بعض وتحطينها ع بشرتك يطلع اللون المناسب لكي انتي
يعني هالبودرة تصلح لكل الوان البشرات وماراح تطلع البودرة غامقة ولا فاتحة عليكي بزيادة
انا بصراحة ماشفت لها اي مفعول يذكر
لا باللون ولاتغطية ولا اي شئ ماكأني حطيت شئ !!!


’,











هنا شايفين الالوان ع ايدي ؟؟
زبدة الموضوع هالمنتج ضحكة !!!
سيئ لأبعد حد ,. مكياج باربي !!!

المعلومات الاضافية :
السعر : 30 ريال
الدرجة : وحدة مافي غيرها




’,


Golden Bronzer



البرونزر اللي اخدتو منهم درجتوة فاتحة
اللون يبان بنعومة جداً
الشيمر اللي فيه ناعم جدآ تقدري تستخدميه للصبآح من نعومتة ,.

اكثر عيب لاحظتو فيه انه ,.
يبي لك تعيدي كل شوي ع اللون او تتقليه من البدايه لانة ابدآ ماثبت معاي !!



درجاتو زي ماتشوفو ,.
شئ ع بيج استخدمتو ع عظمة الحاجب يعطي لون هادئ طبيعي ,.
واللون البرونز الغامق حددت فية عظمة الخد ,. بس ماخدمني !!
واللمعه الذهبي ع التفاحة الخد وبرضو مش اوووي !

السعر : 35



’,



e.l.f Nail polish

 
بصراحة فاشل !!!
اللي اشتريهم من المحلات العادية كلور كلوب و فلورال و كليرز و البقيه افضل منه وارخص كمان ,.
اول المشاكل اللي طلعت لي مع فتحة العلبة انة اللون فية شئ غريب زيت مدري وشو ..
شكله عيب اخر في التخزين لان فاكرين الشيمر طلع منه هالسائل
شكل هالسائل جزء من سياسة الماركة

المهم ماعلينا اللون جنان بصراحة
لاكن اول طبقة مثل ماتشوفون ...


شفافه مرررررا  .. واللون جداً خفيف وصعب التحكم فية ,.
لانة مثل المويآ بالزبط من خفيتو ,. المهم انتظرتة يجف وحطيت الطبقة الثانية
مثل ماتشوفون ..











بدأ اللون يبرز شوي ,. بس ترا شوي
لانة مع التصوير مبالغ بالنتيجة لاكن برز شوي ويحتاج لطبقة كمان


حطينا الطبقة الثالثة مثل ماتشوفون .. اللون تمام حالياً
وضوحة حلو لاكن بصراحة ماحبيته كثير تحسينة هش وكانك ملونة ظفرك باقلام فلوماستر !!!!
عموماً قلت اجربة شويتين واحكم علية

اللون الفاضل بعد مرور اقل من 5-6 ساعات
تكسر تقريبا بثلاث اظافير وتقشر وطاح !!!!!
اي خدشة بسيطة توضح فية وبشدة مو مثل الماركات الاخرى !!!
تقشر المناكير من عند جذور الظفر لسبب غير معروف O_o !!!!
الزبدة مناكيرهم سيئ جداً 
السعر  / بـ 20 ريال
درجة رقم / 1556


’,



اتمنى يعجبكم الريفيووو ,. ويفيدكم لو حابين تشترو من هالبراند
^_^



4 comments on "مراجعة / ريفيو : رائي وتجربتي في منتجات شركة إلف E.L.F"
  1. الله يعطيك العافيه على مجهوك ومشكوره على امعلومات المفيده

    ReplyDelete
  2. تراهم ضاحكين عليك سعر المنتجات ما يتجاوز الخمسة دولار يعني المناكير ب دولار يعني ٣ ريال سعودي تقريباً

    ReplyDelete
  3. This comment has been removed by the author.

    ReplyDelete
  4. البنات يشترون منتجات ايلف من هالموقع http://www.iherb.com/e-l-f-cosmetics?rcode=PPT610 مرره يجنن المكياج..والشراء مررره سهل من هالموقع

    ReplyDelete

Auto Post Signature

Auto Post  Signature