ايفنت / تغطيتي لايام الموضه في جدة 2013 اليوم الاول ♥

Saturday, May 11, 2013


صبآح الفاآشونيآت  ♥.

طبعا زي ماقلت لكم قبل انو الاربعاء بدايه ايام الموضه او الفاشن ديز بجدة ,. 
مررررا مرررا كنت متحمسه لهالايفنت ,. وحضرت الاربعاء فقط  
كعادتي لازم اوصل متأخره ×_× 
وصلت ع 9.30 وكان العرض بدأ من 9 ,. 
اول وحدة قابلتها من البلوجرز كانت العسوله الجميله الراقيه الطيبوبه الكل حاجه حلوة بالدنيآ 

انسانه متواضعه واخلاق بصراحه كان هذا اجمل شئ صار لي بالايفنت 
كنت مضيعه القاعه فين و حالتي حاله وهي متواصله معاي على تويتر وساعدتني كثير ^_^
مرررا حبيتها ومو تدخل القلب الا تخترقو اختراااق لوووولز =) 
وشفت كمان جوجو ,. بس حسافه ماشفت اميرة والبقيه :( 

الايفنت : 
اول شئ التنظيم ماكان مررررا قود :( 
التكييف جدااا سيئ للاسف !! اغلب البنات طلعو من منطقه الرن واي بسبب الحر الشديد !!




هنا الكراسي و قبالها الستيج ,. 







العارضات !!! 
لعلمكم صورت كثير صور ونزلت بعضها على الانستجرام ,.
لاكن صار لي موقف غريب ,.
وحدة من العارضات جات وتقلي امسحي صوري ارجوكي انا صوري اتنشرت !!!
انا ماكنت مفكره كدا !!! 
يعني انتي كموديل عارفه انك حتتصوري وشايفه الكل بيصور 
وانا قبل اصور سالت المشرفه وقالت عادي المودلز عارفيين !!
فجئه تقلب دراماااا وانو ماتبي صورها تتنشر O_o
عموما مسحت صورها ومااحنزل الباقي !!



الحر طلعنا !! 
هالمنطقه ابرد شوي فجلسنا هنااا لنهايه الايفنت !! 
طاولات مزينه للعرض ,. 





ع الجهه الثانيه كان فيه فريمز ومودل متل هدول اللي ورااا تتصوري معاهم 
مايحتاج اقول يا جود ايش عملنا بالمودل صح هههههههه 




اللي سألو ايش لبست بدا اليوم ., 
لبست شئ بسيط و كيوت بما انه ايفنت للقيرلز بس 
تنورة دانتيل نصها مبطن من femi9
بلوزه بفيس كآت << هالفيس نقطه ضعفي ^_^ من Stradivarius 
شنطتي الرائعه جداااا من الجميله le nour 
<< ح انزل ريفيو كامل عنهاااا 
عقد ملون من pull and pear 
ساعتي من Marc by Marc Jacobs
هاي هيلز اسود مخمل من New look 



مناكيري الاساس كان اورانج من مكياجي 
والجليتر الذهبي اللي فوقه من essence




كان يوم ممتع ورااائع 
تصورت ع الرن واي ,. و مع جود ^_^ 
من كتر ماتصورنا قلت لها دا الفوتو دايز مو فاشن دايز هههههه 
وبس ^_^ 



Post Comment
Post a Comment

Auto Post Signature

Auto Post  Signature