مراجعه / ريفيو : بودره التثبيت من مكياجي LUMINOUS loose fixing powder Mikyajy

Monday, June 24, 2013



’,


هلآ حبايب قلبي  

بوست اليوم حيكون ريفيو عن بودره مكياجي ,. 
زي ماقلت لكم قبل , مكياجي ارسلو لي مجموعه هدايا عشان اجربها واحكيكم عنها !

عموما راح اخبركم بتجربتي بالتفاصيل ,. 

الباودر اسمها ,. 

LUMINOUS loose fixing powder
Mikyajy


هذي هي وهي من خط 22K


مكياجي عندهم كدا خط للانتاج ,. او كدا براند تحت اسمهم 
وهالحركه ذكيه جدا منهم !!

لان اسعار المجموعات تختلف و الجودة كمان اكيد بتختلف !

عموما خط انتاج 22K هو تقريبا الاغلى عندهم وبالمقابل من تجربتي معاهم اشوف انه الاكثر جودة 
يجي بعدها صبايا وبعدها مينكس واخر شئ انا حلوه اللي تعليبها بسيط جداا وسعرها رخيص جداا 


عموما بوقف هالفلسفه ونتكلم بالمفيد =) 








ايش المميز فيها ؟ 

هالباودر هي بودره لوسسس او منثوره سائبه للتثبيت 
يعني لونها ابدا ماينفع تكون كـ بودره عاديه لكامل الوجه 
فقط تستخدم كلمسه نهائيه للتثبيت بعد ماتخلصي تأسيس بشرتك للمكياج 


كيف تستخدميها ؟ 

عن نفسي استخدمتها بفرشاه الباودر على كامل وجهي اعطتني منظر مش مررررا اوكي :/
لان بياضها يوضح وخصوصا مع وحدة زيي تحب تعمل اساسها اغمق من لون بشرتها بدرجه
انا اعشق السمار والسمر و اللوكات البرونزيه 

المهم !

اللي صار صرت استخدمها بس على المناطق اللي ينعمل لها هاي لايتر ( مناطق التفتيح )
على الانف - الجبين والذقن بالنسبه لشكل وجهي ! 
لمسسسسات فقط

واستخدمها تحت العين بالسبونج تبعها احطها بكثافه بهالشكل : 



هالطريقه تثبت الكونسيلر اولا 
ثانيا تحمي اساسك والكونسيلر من تناثر الشدو عليه !
بعد مااخلص مكياج عيوني وكلو بالتمااااام اشيل الزايد بهذي الفرشاه  ( فرشاه المروحه ) 



او ممكن اي فرشاه تضمن لك نتيجه كويسه !
عمومآ هالشئ مااعمله للمكياج اليومي , اعمله مع مكياج المناسبات والسهرات فقط 


تنبيه : بعد ماتخلصي اتأكدي انك شلتي الزائد مزبوط 
عشان ماتلاقي نفسك شبه هذي اللوكات المرعبه !!

رائي فيها ؟ 

جميله وكويسه وبديل رخيص للي يستخدمو هذي الطريقه للمكياج !
اللي تتمكيج مكياج يومي بسيط ما اشوف انها تحتاجها 

سعرها مو متوفر عندي بس بحدود 50 ريالز اتوقع 
حتى على موقعهم مالقيته للأسف :( 


بعثرات انثويه من الانستجرام :



فيديوز : 


هنا تكلمت عنها في مفضلاتي : 





4 comments on "مراجعه / ريفيو : بودره التثبيت من مكياجي LUMINOUS loose fixing powder Mikyajy"
  1. ممكن اعرف ايش العدسة اللي تصورين فيها و الاعدادات اللي تخلي التموية جنان كذا :$

    ReplyDelete
    Replies
    1. حبيبه قلبي تواجدك هنا الجنان
      انا كامي كانون 600 دي
      واستخدم عدسه عزل 50 mm هي اللي تخلي التصوير مموه بالخلفيه ؛)
      اي استفسار لاتستحي حبيبتي

      Delete
  2. اللوكات اللي حطيتي صورها فعلاً مرعبة.
    لكن التجربة و المشي على نصائحك بالتوزيع أتوقع راح تحل المشكلة و تثبت لنا العكس
    يعطيك العافية
    khab6ah.wordpress.com خبطة

    ReplyDelete
  3. من جد اللوكات اللي حطيتيها تخوف مادري اظن ماشافوا نفسهم بالمرايه قبل م يطلعوا للناس
    عموما
    نصايحك جميله زيييك وحمستيني اجرب هالمنتج

    مدونتي http://thogblog.blogspot.com/ وتشرفني زيارتك حبوبه

    ReplyDelete

Auto Post Signature

Auto Post  Signature