مراجعه / ريفيو : لوس باودر مينرال من ذا بودي شوب EXTRA VIRGIN MINERALS !!

Friday, September 06, 2013

’,

هلابكم !
ادري طولت كثيرررر ,. بس جدا انشغلت بعملي و حياتي الخاصة !
عموما اليوم بحاول قد ما اقدر انزل كدا بوست ,. وانتو اقروها متى ماحبيتو ,. 

الاول ريفيو !!

عن بودره ذا بودي شوب 


EXTRA VIRGIN MINERALS !!

هذي الباودر اخذتها قبل فتره طويله حدود الـ 7 شهور ,. 
استخدمتها كدا مرا و امممممم ماملت عيني فـ تركتها لانه كانت عندي بودرتي الجميله لسه ماخلصت 
وفي يوم ما خلصت فرجعت استخدم دي ,. 

فـ الانطباع الاول مو مررررا مبهر !!
خصوصا انو شكلي مااخترت الدرجه الصح ,. لان احس وجهي يغبر فيها !!
عموما نحللها !!


مجموعتها ؟!

نزلت مع مجموعه الاكسترا فيرجن مينرالز ,. وكانت عبارة عن ثلاث قطع ,. 
الاساس / اخذتة وراح اعمل عنه ريفيو قريبا !!
اساس كريمي مضغوط ,. 
واللوس باودر هذي ,. 


مميزاتها ؟!

الباودر بتحتوي على نسبة من المعادن المفيدة للبشره ,. 
و بتحتوي على spf بنسبة 25% 


التغطية ؟!

تغطيتها خفيفة نسبيا افضلها للصباح , كنت استخدمها بعد الواقي عشان تخفف من لمعانه
وكانت تديني منظر كويس , الاجانب كثيييييييير طايرين فيها انة تعطي تغطية اكبر من اللوس العادية
بس انا ابدا مالاحظت هالشئ !! 
واحيان الاحظ انها تتكتل على الخطوط او تخطط ع عقولتنا لوول 
تحت العين وعلى منطقة كسره الجفن !!




التعليب ؟

جميل وعجبتني فكره الشبكه اكثر من ال 5 او 6 فتحات اللي تكون بالعادة في اللوس باودر 
الشبكة تحسيها مثل المنخل تطلع لك المنتج بدون كلاكيع :/ وصصصصف 
بس الفتحات تقعدي تحوسي على ماتطلع وتتفكك الباودر اللي جواتها 




طريقة الأستخدام ؟! 


مثل اي لوس باودر الافضل تنوضع بالفرشاه الكبيره المخصصه للباودر 
انا عندي تبع ريل تكنيك وكانت ممتازه 
واذا حطيتها بالسبونج حسيت وجهي مكيك ( كيكي ) اكثر ! 


سعرها ؟! 

مااتذكر تحديدا بس حول ال 80 




1 comment on "مراجعه / ريفيو : لوس باودر مينرال من ذا بودي شوب EXTRA VIRGIN MINERALS !!"
  1. يعطيكي العافيه حبيبتي

    منجد التعليب شكلو حلوو

    ReplyDelete

Auto Post Signature

Auto Post  Signature