موضة / فاشن : فساتيني من دار رنا للأزياء ,. MAISON RANA

Friday, September 13, 2013


هلابكم حبايبي ,. 

اليوم الريفيو حيكون فاشوني حبة ,. عن مصممة الازياء رنا البصري ,. 


,. هالمصممة اطلقت مجموعتها الاولى من فتره بسيطة بداية 2011 تقريبا  ,. بس برزت بسررررعه ع الساحه ,. 
تصاميمها بسيطة جدا لاكن مميزه ,. 
هالعسل ارسلت لي فستانين من مجموعتها الاخيره ,. 

’,

مع رسالة رقيقة 3>3>



مرااااااا شكرا ياعسل 3> 






طبعا كنت قمه الحماس وانا افتح كرتونة فيدكسس ابي اشوف الفساتين !!

اممممم خلوني اعيشكم جو الحماس زيي مو دحين تشوفوها ههههههه


اول شئ بـ اعرض لكم مجموعتها الاخيره ,. اللي هي لـ ربيع /صيف 2013

و سمتها غروب !!
يمكن لان اغلب المجموعه الوانها غامقه بعكس مانتوقع بالعادة من فساتين الصيف
تقريبا تنفع لليالي الصيف وسهراته اكثر من الصباح ,.



انا مغرمه بااناقه هالفستان 






وهنا بعض القطع فرونت اند باك بخلفية بيضاء 






 







عموما تقدرو تطلعو على بقيه القطع من موقعها الرسمي 

راح احط الروابط تحت ,. 



نجي لفساتيني ,. 





( ZOOM )



الفستان الاول اللي اهدتني اياه ,. ابيض بالكامل وستدد على الصدر
شوي منفوش بقماش مكسر من تحت
اممممم جميل بس ماحسيتة يناسبني لان ستايلي مختلف شوي ,.
وكمان مقاسة هههههه الله يهديها لو سألتني مقاسك كم قبل ترسل اي قطعه خخخخخ
فـ اهديتة وحدة صحبتي !!


هذا شكله من تحت 



وهنا عامله تنسيق له ,. 

الفستان الثاني ابداااااااا ماقدرت اصورة لانة اسود واسترتش 
فمستحيل يبان الموديل الا ع اللبس وهذا هو على المودل ,.



حبيتة سيمبل وشيك و خصوصا الاسود ينلعب في طلاته بكل سهوله ,. 
مع اي تغيير في الاكسسوار تقدري تغيري الاطلاله ككل 
شوفو هنا تنسيق له بالذهبي  ,.


( الصوره من موقع مودااا )


هنا الفستان على المصممه نفسها رنا 
كمان جاء ع بالي الاحمر ك هيلز و اكسسواريز , اللؤلؤ الابيض الكبير مثل عقد شانيل
جات افكار ببالي كثييييير معاه 

بس كدا خلصنا الريفيو ,.
اخر شئ اتشكر المصممة على ذوقها وهداياها الف شكر رنوووش ,.
وهنا فين ممكن تلاقوو قطعها ,.

متوفر في:
السعودية: كريم بوتيك، جدة
عمان: بوتيك مسقط، مسقط
لبنان: كريم بوتيك، بيروت
الأردن: بينك دست بوتيك، عمان

Post Comment
Post a Comment

Auto Post Signature

Auto Post  Signature