مراجعة / ريفيو : مجموعه العسل من بودي شوب HONEYMANIA

Sunday, October 13, 2013
مرحبآ ,. 


يااااااكلاحتي , من ززززمان مادونت :( 
والمشكلة لما شفت المسودات ,. عرفت قد ايش انا اعشق التصوير !!
فوق 50 بوست متصورين وجاهزين بس اللي ناقص اكتب رائي والكلام !!

عموما وش هالمجموعه اللي حمستني اكتب عنها بسرعه ؟!!
 مع ان لها بس حوالي اسبوعين عندي
HONEYMANIA
من عشقي اللي كلكم تعرفونة ( بودي شوب )


في الايفنت الماضي تبعهم ,. عرفونا عن هالمجموعه وانها راح تنزل بعد كم شهر
ومن يومها وانا متحمسسسسسه لها , كل مارحت سألتهم هااا متى بتجي ؟!!
لان اغلبنا عندة فكره حلوة عن العسل ,.
اي شئ فية عسل نحس انة سحر و راح يعمل العجايب ومستحيل يضر بشرتنا
( يازينا الشعب كلة مطقمين بهالفكره )
عمومآ المجموعه تتكون من :


شاور جل بالعسل

زبدة الجسم بالعسل

صابونة العسل

مرطب شفايف بالعسل

وبرونزر ( هذا راح اتكلم عنه ببوست خاص فيه )
وكمان منة مقشر وعطر و فقاعات استحمام بس لسة مااخذتهم
وهذا فيديو عن طريقة استخراج العسل ,. خصيصا لبودي شوب !!
طبعا العسل يدخل ضمن برنامج التجاره العادلة في بودي شوب ,.
يستخرجونة من اثيوبيا ويقدمون فرص عمل لتحسين معيشة هالشعب ,.
عموما نبدأ نفصل !!
 
الشور جل !!
اهم نقطة عندي بالشور جل الريحة
والا الباقي مايهمني لان اساسا بشرتي معافاه
يعني مااعاني من حساسية او جفاف يخليني انتبة لأختياراتي اذا المنتجات تحتوي على العطور او الصابون او لا ؟
بس عموما هالشور جل خالي من الصابون
عموما ماالاحظت انة جفف بشرتي ولا كان ثقيل ورطبها
شاور جل مثل المعتاد من بودي شوب
ريحته رايقه بمعنى الكلمة ماتحسيها عسل بقدر ماهي ورد
بس كـ العادة الشاور جل تبعهم ينتهي ريحته بطلوعك من باب الحمام !!
يعني استمتعي فيه وانتي تستحمي وبس
اهلي جدا حبوه , وخصوصا الشباب ,. اللي بالعادة مايعجبهم شئ
قلتلكم كلمة عسل تبعث الاطمئنان في النفس لووووول


زبدة الجسم !!
هالزبدة هي للبشره الجافة بس مو الجافة جداااا
بالنسبة لي بشره جسمي عادية 90% وبعض المناطق جافة
فهالزبدة ناسبتني جدا وريحتها جميلة جدا جدااا
تعطيك ترطيب لمدة 24 ساعه
مرررررا احب المنتجات اللي كدا خلاص مرا وحدة احطها وتكفي ليوم كامل
مثل زبدة الجسم بالشوكولاتة تحطيها مرا وتكفيك لمدة 48 ساعه
يووووومين وانتي مترطبة
( لها ريفيو قريب )
جميله بشكل عام ولاتدبق !

مرطب الشفايف !! 

هالمنتج اكثر شئ حبيتة بالمجموعه ,.
احساسه مو مرطب عادي من مرطباتهم ,.
كأنك تحطين شمع العسل على شفايفك
ومن جد من جد يرطب !!!
هذا المرطب لو حبيتي تجربي بس حاجة وحدة من هالمجموعه فكري فيه
ريحته جميلة وطعمه رايق وجميل
Click for enlarged view


اخر شئ ,,,


الصابونة !!


يمكن الصابونة حبيتها اكثر من الشاور جل !
بس لاني احب استخدم قفازات الجسم اكثر من الليفه المنفوشه
ابدااااا مااحس المنفوشة تنظف الجسم
فلو لو لو حابها استخدمها
بالعادة استخدم اول شئ ليفه مزبوطة وانظف جسمي تمااااام التماااااام وبعدها استخدم المنفوشة وشور جل
بس ك تدليع بس مااعتمد علية للتنظيف !
وغير كدا الصابونة ريحتها تبقى اكثر من الشاور جل
عموما المجموعه ككل جميلة و تستحق الشراء ,.
الاسعار مش فاكره بالزبط ,,,
بس مثل اسعارهم المعتادة الزبدة في شئ والستين والشور بالاربعين وكدا

1 comment on "مراجعة / ريفيو : مجموعه العسل من بودي شوب HONEYMANIA "
  1. اخيرا نزلت المجموعة و ان شاء الله راح اشتريها

    ReplyDelete

Auto Post Signature

Auto Post  Signature