مراجعة / ريفيو : بلاشر كريمي من بينفت , Benefit : fine one one

Wednesday, December 25, 2013

’,


مرحبآ ,. 

بوست اليوم حيكون عن منتج من منتجات بينفت وطبعا قلوب من هنااااا لعندهم
بينفت من الماركات اللي ممكن اشتري منتجاتهم بس لان اشكالها تعجبني !!
زيهم زي عطور فيكتوريا سيكرت !!
اخر مرا اشتريت عطر من فيكتوريا اقل شئ ممكن اوصف ريحتة بالشنيعه !!
بس تغليفة راااااائع ويخدمني بالتصوير و كتحفة على التسريحة 
مجنونة ادري P!!
عموما راح نتكلم عن  .. 

fine one one

sheer brightening color for cheeks & lips



فاين ون ون بلاشر كريمي بس مو عادي ابدااا
لان فكرتة يكون 3 في واحد  ,.
وبالإظافة ممكن تستخدمية على شفايفك !



شايفين كيف فيه 3 الوان !
بلاشر كريمي وردي , بلاشر كريمي كورال او مشمشي , وكمان بلاشر كريمي فاتح كهايلايتر 
خطوه وحدة بس و تحطي هدولا كلهم !!

هدا سواتش للألوان ,,


طريقتة ؟

تخلي اللون الكورال يكون على عظمة خدك بالزبط وتطلعي طلوع بهالشكل ...


بعد ماتحطية حيصير 3 خطوط زي صورة السواتش فلازززززم تدمجية بااصابعك بشكل مرا خفيف !!
عشان يطلع لك اللون طبيعي ورايق 

هدا فيديو يشرح الاستخدام :



رائي فيه ؟

اشوف انة رائع للصباح جدااا و الطلعات البسيطة اللي تكوني بدون ميك اب 
لانة بيعطي توريد طبيعي للبشرة وترطيب وكمان خفيف ومو مبالغ فية 
حتى الهاي لايتر لمعه خفيفة جداااا 
لكن لو حطيتي ببالك يخدمك لسهرات فاانتي تتوهمي
لانة جدا جدا تاثيرة خفيف 

البكج جميل و عملي كثير بس افكة ادورة واستخدمة
اكرة اشيل فرش مكياج معاي تاخذ مساحة بالشنطة 
فهذا مايحتاج فرشة لان توزيعة بالاصابع

سعرة ؟

قريب 100 ريال



مكان الشراء ؟

سيفورا , وجوة 


اي سؤال عنه انا بالخدمة 
دمتم بود !! 



Post Comment
Post a Comment

Auto Post Signature

Auto Post  Signature