ريفيو / مراجعة : مجموعه صبايا للعيون الحساسة من مكياجي

Wednesday, December 04, 2013

’,

مرحبآ ,. 


اليوم الريفيو حيكون عن مجموعه صبايا للعيون الحساسة من #مكياجي !! 
المجموعة هذي جاتني منهم هدية ,. عشان اتكلم عنها ,. 

والا انا بصراحة تجاربي قليلة جدا وتكاد لاتذكر معاهم 
بس بما انهم ارسلوها لي جربتها وبعطيكم رائي فيها ,.
( ولا تخافون مابجاملهم عشان هدية

المجموعة عبارة عن : 


ثلاث قطع !!
ايلاينر - مسكارا - كحل 





الايلاينر ,. 

فرشتة من الفرش اللي تعجبني في رسم الايلاينر 
لان فرش الريشه اجمل وادق في الرسم بس اصعب في الاستخدام :(
هذي الفرش الثابتة احبها بس غالبا تكون الرسمة معاها عريضة الا لو مسكتيها من زاوية محددة !!

السواد عادي مو مرااااا فاحم 

سهل تنزل بالمويا وتخف بعد فترة طويلة من الرسم
يعني احس ابو 4 ساعات ويبدأ تخف الرسمة جدااا واحيان تتقطع وتتقشر على الجفن !



الكحل !!

افضل قطعه بالمجموعة ,. سوادة جميل و مريح بالعين
بالنسبة لي مااعاني من اي حساسية بعيني فما اقدر الاحظ مدى فائدة هالمجموعه للي عيونهم حساسة
بس مامتي تقريبا حساسة عيونها وتدمع فما حبتة كثير 
تقول يسيح بعد فترة 
عن نفسي حسيتة ماشي حالة مو سيئ !! 


المسكارا !!

فرشتها جميلة المفترض هذي الفرش المنفوشة تعطي شويه حجم !!
بس اللي لاحظتة تعطي لوك طبيعي جدا وخفيف 
طبعا مش ووتر بروف 
فسهل تنزليها


ككل المجموعة اكثر شئ حبيتة فيها الكحل ,.
بس مااتوقع اكررها لانة في اشياء بنفس القيمة و افضل اداء 

دمتم بود ,. 
Post Comment
Post a Comment

Auto Post Signature

Auto Post  Signature