مراجعة / ريفيو : تجربتي مع ماسك Eslor , Comforting Mask !!

Wednesday, December 11, 2013

’,


مرحبآ ,. 


لي فترة ماكتبت عن كريمات او ماسكات او روتين للعناية بالبشرة !!
يمكن لاني صايرة اشتري مكياج بطريقة مهوله P: !!
عموماااا راح اغير لكم شوي بالريفيوهات عشان لاتملون 
وبكتب عن هالشركة ,.

Eslor

هي شركة امريكية ,. تاريخها بسيط بس قدرت تنتشر بسرعه 
يمكن لان الحب اساس تكوينها ! << اشتغلت الرومانسية D:
المهم ان صاحب هالبراند صيدلاني حب يعطي زوجتة مجموعة كريمات طبيعية للعناية ببشرتها 
فعمل بحوث وتجارب على مدى سنوات واستخدم افضل المكونات المشهورة 
و اعطاها زوجتة :(
المهم انه عجبتها النتيجة و ماقصرت الاخت وزعتها على اهلها وصحباتها 
ففكر هذا الصيدلي يفتح شركة للعناية بالبشرة 

ومن هنا طلعت لنا Eslor !!

اخذت منهم مجموعة من الاغراض تقريبا من 4 شهور !!
ماسكات وكريمات وسيريوم 
واللي متابعني على الانستجرام راح يكون شافها كدا مرا نزلت صورهم بعنايتي اليومية او الاسبوعية 
عموما راح نتكلم عن كل منتج ببوست لوحدة 
عشان لايكون البوست طويل عليكم
وكمان بلاش اختصر واهضم حق المنتجات بالشرح !!

ونبدأ بـ ...

Comforting Mask






مكوناتة ؟

في البداية يمكن عشان لونة ماادري بس حسبتو طين :/ ...
بس لما حطيتو على بشرتي عرفت انة مش طين لانة ابداااا ماينشف 
وبالعادة الطين ينشف ويسحب الدهون ,. يعني منظف مو مرطب ,. الا بعض انواعة !!
غير على انة ماينشف ,. بعد ماحطيتو حسيت بترطيب ,.
فرحت بحثت عن المكونات :

طلع اعشاب بحرية طبيعية !! 
مضاف لها معادن وفيتامينات بالإضافة الى جل الأوليفرا ( خلاصة الصبار )
الجلسرين , الطين الابيض , اكسيد الزنك << اللي هوا مهدئ للجلد و مضاد للجراثيم ومرطب قوي للبشرة
زيت اللوز الحلو , زيت الافوكادو , الجنسينغ

عشاااان كدا حسيت بترطيب جميل لبشرتي 



وظيفتة ؟ 

يرطب البشرة وبنفس الوقت ينقيها من السموم و ويطهرها
الفيتامينات و المعادن تساعد في الترطيب العميق للبشره 
وترفع من مستوى الاوكسجين و الترطيب بالبشرة
بالإضافة لكدا يهديها جداااا 
استخدمة اوقات بعد الشمع لبشرتي او التنظيف جدااا مريح احساسة 


مناسب للبشرات ؟

الجافة , المختلطة , الحساسة 
الدهنية لااا 
لانة يركز على الترطيب العميق والتهدئة وهالشئ ماتحتاجة الدهنية ابداااا 


مدة الاستخدام ؟

مرة الى مرتين بالاسبوع 
يوضع كماسك على البشرة لمدة ربع ساعه 


مكان الشراء ؟

من موقعهم لان هالماركة غير متواجده بالسعودية 
بس قريبا اظن بيفتتحون فروع بالشرق الاوسط 
او اذا تعرفي احد هناك يجيب لك هيا 


سعره ؟

38 دولار يعني حوالي 150 ريال


ودمتم بود !

Post Comment
Post a Comment

Auto Post Signature

Auto Post  Signature