مراجعة / ريفيو : زيت اللمعه البرونزية للجسم من بودي شوب Honey Bronze !!

Tuesday, December 24, 2013


’,


مرحبآ ,. 

اليوم بتكلم عن شئ المفروض اكون نزلتة بالصيف  !!
بس الكسل ومايفعل P!!
هو جزء من مجموعة .. 

Honey Bronze 

مع العلم انها تتكون من كدا قطعه !!
وكلها مخصصة للصيف وللتآن ,.
بس لربما في احد طرا على بالة يعمل تان دحين !! او حتى تتجهز للصيف P:

المجموعة تتكون من : البودرة , الزيت , الجلوس , واظن في بلاشر مع فرشتة و كم شغله
انا اخذت البودرة بدرجتين و كمان هذا الزيت ,.
( البودرة لسة ح اكتب لكم عنها )

طيب بالنسبة للزيت ...


انا شفت بنات يتكلمو انوو زيت التشميش من بودي شوب ووو ,. 
ع بالي فعلا يسمر !!
بس لما رحت شفته تراا لااااا هو مجرد زيت عادي يعطي جسمك لمعه
يعني تقدري تستخدمية مع التان او بدونة 
ولا راح يغير بلون جسمك كثير !! 

لان التان والتشميس بيجفف البشرة فالزيت هدا يرطب لك جسمك و بنفس الوقت فية لمعه وجليتر 
فيعطي لمعه ذهبيه على السمار اللي اكتسبتية مع التان 

في منه درجتين فاتحة و غامقة !!

اللي عندي الفاتح واحياان استخدمه على جسمي قبل اروح اي مناسبة انا عاملة فيها مكياج جاي ع الذهبي
وابي لمعه بجسمي احط منه على الساق و الاكتاف والظهر لو مفتوح
لمعتة هادية والزيت ابدا مو ثقيل مايبان اصلا !!

هدا سواتش له من النت :



شايفين كيف اللون لما يتوزع مايبان كثير مجرد لمعه على الجسم
واظن كمان انة هذي الدرجة الغامقة 
لازم ترجي العبوه لما تستخدمية 
لان لو تركتية فترة راح تلاحظي الزيت منفصل عن اللمعه
فقبل الاستعمال رجية وحطية على جسمك نقط بسيطة ووزعية بالمسح

لو على تان بيطلع اجمل وتقريبا كدا نتيجتة ,.




شايفين كيف جسمها يلمع مو اسمر باهت لااا فيها لمعه
بس دي لو حطيتي كمية كبيرة هو اخف بشوي من هالنتيجة !!
عموما جميل ورايييق مرررا حبيتة بتان و بدون !!
سعرة تقريبا في ال 90 !!


دمتم بود 


3 comments on "مراجعة / ريفيو : زيت اللمعه البرونزية للجسم من بودي شوب Honey Bronze !! "
  1. مع التشميس يدي منظر حيوي اما من غير مااتوقع بيسوي شي مره واو و شكراا لك

    ReplyDelete
    Replies
    1. صح مع التشميس جدا احلا واجمل
      بس بدون لمعه بسيطة وناعمه ولاحتى تبان برونزية
      شرفتيني ياعسل

      Delete

Auto Post Signature

Auto Post  Signature