مراجعة / ريفيو : افضل بلاشر لعام 2013 , Benefit : ROCKATEUR تحت المجهر !!

Thursday, January 09, 2014

’,


مرحبآ ,. 

زي ماوعدتكم كل البوستات الجاية في هالفترة راح تكون تفصيلية للمنتجات اللي صنفتها كـ افضل تجاربي بـ  2013 
واليوم راح يكون من نصيب البلاشر اللي سلب قلبي الرقيق ,. 
البلاشر هدا اقدر اصنفة انة افضل بلاشر استخدمته طوال هالسنة 
المهم ندخل بتفاصيلة و حتعرفو ليش ,. 

البلاشر هو ,. 

Benefit : Rockateur



العلبة مربعة مثل كل بلاشراتهم ومصنوعة من الكرتون بس فعلا عملية وحتعرفون تحت ليش !!!
بلس على كدا تغليف بينفت شئ خراااافي 
الدانتيل البينك تخليك تخقين قبل ماتفكين العلبة 
<< يامجرمين بطلو تلعبون بعقولنا البنكية 
وكمان الحملة الإعلانية حقتو جميلة ,.



عاجبني البينك اللي يطلع من مكبرات الصوت جدااا 
ماني صاحية


شايفين ليش عملية وعاجبني البلاشر في بوكس !!!
لاحظو كيف اطراف العلبة تحتاج الرحمه 
لاني افرررر افررر بالفرشاه في العلبة فكل الزايد مايطلع برا يكون بنفس البوكس
بس علب البلاشرات العادية تطلع برا وتتناثر وتعدم الملابس احيانااا :( 
فهذي نقطة تحسب لهم 
عموما هنا مع التصوير طلع لون البلاشر وردي مررررا !!
هوا كاااااان كدااا ..


بس مع الفررر و الفررر انمسحت الكتابة وصار لون واحد تقريبااا 
هذي الصورة من انستجرامي و تصوير جوال فاللون طالع طبيعي اكثر
هو خمري على وردي على ذهبي على على على !!!
لونة جدا مميز ولما تاخذي بالفرشاه كله يندمج سوا ويطلع لك لون خمري طبيعي جدا بلمعه بسيطة تخقق
هما مسمين هاللون قولدن روز !! 
لاحظو كيف ان المكعبات لونها شيمري ( فية لمعه ) و كلمة روك مات !
ولاتحطون ببالكم انة ممكن يطلع بلمعه ميتاليك على خدودك !! ابداااااا مو كدا 
لمعته بسيطة وهادئة وهذا سواتش من النت  ...


وهنا على العارضة ,.


حاطة نتفة الاخت هههههه
عموما الموقع مصنفينة انة بيليق على كل الوان البشرة 
وانا اشوف انة هالكلام صحيح انا صحباتي كلهم استخدموة وكل وححدة اعطاها لون حلو
بس البشرات الفاتحة الدافئة الخمرية عليها جميييييييل
كلنا خاقين علية لووول 


بس ترا الخقة دي عالمية وكثير بلوجرز اجانب عاجبهم ,. ويصنفونة قريب من بلاشر ماك ( موكا
بالنسبة لثباتة مو هين والله يجلس فترة طويلة احيان مااحتاج اعدل فية واحيان يروح بعد فترة
حسب دهونة بشرتي داك اليوم والرطوبة وكدا بس مجملا يطووول
اصلا صاير جزء من روتيني اليوم 

  

كل هالصور من الانستجرام وهو مرزوز بكل صباحية لوووول
عموما المنتج يستحق الاقتناء بصراحه 
تلاقوة بسيفورا بحدود 120 ريالز 


دمتم بود !




9 comments on "مراجعة / ريفيو : افضل بلاشر لعام 2013 , Benefit : ROCKATEUR تحت المجهر !!"

Auto Post Signature

Auto Post  Signature