اخر مشترياتي الفاشونية عباية من المبدعين Black & Style ,.

Wednesday, January 22, 2014

’,


مرحبآ ,. 

زي ماقلتلكم بالبوست السابق اني اجهز شوية اغراض لهالإجازة الصغننة 
ومن ضمنها كنت ابي اخذ لي عباية ,. << على قول اهلي مسوية نيولوك لووول
وانا وحدة من الناس اللي يجيني اكتئاب لما افكر اخذ عباية جديدة 
لانة نادرا القى عباية على مزاجي :(((((
اذا زبط القماش مايزبط الموديل والعكس صحيح برضو :( 
و العبايات بجدة اما السعر في العلالي و الجودة جيدة 
اما السعر رخيص جدا و الجودة من اسوء مايكون ,.

ففكرت اطلب الانستجرام لانه فية كثير اكاونتات مبدعة بالشغل و اسعار معقولة مع التوصيل 
مع انة هذي اول مرا اتجرأ واسويها بالعبايات لان الخامة تهمني جدا جدا 
واحب اشوفها واتفحصها بيدي والبسها وادور فيها ,. 
بس شسوي عاد :((( 

المهم دورت على حسابات واخترت كدا وحدة و ومن ضمنهم اخذت وحدة من حساب ... 

BLACK & STYLE 

الحساب من قطر ,. 
عباياتهم كلها سوداء مع شوية تطريز و كلف و تفاصيل راقية ,.
وهذا الشئ اللي انا متعودة البسة وافضلة ,. عندهم مجموعة جديدة لشتاء 2014 
منزلين عبايات ثقيلة شوي للبرد ,. اغلبها فيها مخمل و قطع صوف ,. 
مااخذت المخمل الكامل لانكم ادرى بجو بجدة :(((
مع اني اعشششششق المخمل عشق ,. 

المهم هذي القطعه اللي اخترتها منهم ,.


العباية بصراحة مدري ايش قماشها اظن انة كريب حرير 
لانة القماش ثقيل و واقف و رزة بس بنفس الوقت مو الثقيل اللي يغث ويضايق ,.
قلبي ماطاوعني مااخذ مخمل ,. اخترت اللي فيها شرائط مخمل اسود على الاكمام و طرف العباية من تحت ,.
و الجزء المقلم في الطرف الاخير من العباية و على اطراف الكم و على طرف واحد من الطرحة هو قطن مقلم 
و الجزء البيج العريض شريطة من الصوف خفيف <3
صراحة جمعو الخامات مع بعض بشكل رائع جدااا ومميز ,.
وفاصلين بينهم بالشريطة السوداء ,. جداااا مرتبين و خياطتهم متقنة ,. 
مهتمين بالتميز حتى في ادق التفاصيل ,. 
شوفو توقيعهم على العباية كيف !! 



عبارة عن قطعة معدنية مثبتة على طرف العباية من الجنب ,.
محفور عليها شعارهم B&S

عموما هذي عبايتي على العارضة ,. 



عبايتي اللي على اليمين ,. اللي باليسار نفس الموديل تقريبا بس الخامات تختلف ,. 
وهذي كم قطعه من الكولكشن ,. 



الاكمام المخمل تبكي :((((


في كثيرررر اشكال مميزة ,.
عاد اللي تبي قطعة تدخل على صفحتهم بالانستجرام ,. وتلاقي تشكيلة اكبر ,.
هنا ,. 

المهم لما كلمتهم طلبو مني مقاساتي واعطيتهم ,. 
و تقريبا اخذت 4 ايام ووصلت عندي 
ورسلوها لي بالبريد القطري الممتاز جدا شاكرة لكم <3<3

بالنسبة للسعر ,. 
اخذتها ب 1800 ريالز
 << اشوف انها تستاهل في كثير عبايات عادية في محلاتنا ب قريب هالمبلغ بس مو مثل هالجودة


ودمتم بود ,

1 comment on "اخر مشترياتي الفاشونية عباية من المبدعين Black & Style ,. "

Auto Post Signature

Auto Post  Signature