مجموعة وايت مسك سموكي روز من بودي شوب ,. عطر صباحي شتوي !!

Friday, January 24, 2014

’,


مرحبآ ,. 

وهذي أول تدوينة بعد النيو لوك للبلوج للوليششش P:
لي يومين وانا احوسسسس فيها احس باقي شوية تعديلات بس تعتبر طفيفة 
اللي كنت ابية سويتة وكدا ارتحت نفسيا لووول 
وانا احوس بالجهاز واشوف الصور والخلفيات القى صور هالمجموعة تطلب مني الرحمة عشان انزلها ههههه
لها فرة عندي وصورتها وخلصت بس الانشغال << او الكسل :( 
بس خلااااص جاء وقتها اليوم ,. 


 ,. مجموعة وايت مسك سموكي روز ,. 






الوايت مسك مشهور من بدايات بودي شوب ,. من ايام ماكنت بالابتدائي وانا استخدمة << تاريخ حافل معهم  !!
بس عدلو علية شوي واضافو مكونات له و نزلو هذا العطر  ببداية شتاء 2013 ,. 
و احتفالا فية عملو له ايفنت مرتب ,. 
اندعيت علية بس لظروف العمل ماقدرت اروح للأسف :( 



لقطة من الايفنت وفيها شيوم الجميلة :((((( 
مرا متحسره مارحت ,. بس يالله خيرها بغيرها ,. 

’,

المهم ان المجموعة تتكون من : 

عطر , بودي سبراي , شاور جل , لوشن 
البودي سبراي اخذتة بس نسيت اصورة مع الطقة ههههه

هذا العطر اقدر اقول انه غريب جدااااا على عطور بودي شوب ,. 
لانه شوي اركز من عطورهم المعتادة وفيه مكونات اثقل ,.العطر عبارة عن تدرج بين :
البداية : مزيج من البرغموت , زهور الفلفل الوردي , التوت الاسود 
الوسط :مسك و زهور 
القاع : التوباكو وبراعم الورود و زهور البرتقال و البخور 

شايفين المزيج كيف !!
ابدا مو وصف لعطر من بودي شوب ,. بصراحه اهنيهم على هالتغيير الجميل
عن نفسي حبيت العطر ,. وبرضو اعتبرة من العطور الصباحية 
لان العطور المسائية بالنسبة لذوقي اثقل من هالتركيبة بمرااااااحل ,.

الجدير بالذكر هنا ,. 
ان المسك المستخدم بعطورهم هو مسك صناعي !!
لان بودي شوب مثل ماهو مشهور عنها انها ضد العنف و التجارب على الحيوان
ومثل ماهو معروف ان المسك يستخرج من غدد الغزلان !! 
فتقريبا في ثمانينات القرن الماضي اكتشف فريق طريقة تصنيع هذي المادة بالمعمل
 وهالفريق اخذ جائزة نوبل للكيمياء !!!
شايفين كيف الغرب يقدر الثروة الحيوانية و يتعبون عشان يلاقو البدائل :( 

عموما ,. 

العطر و البودي سبراي اكثر شئ استخدمتة 
الرائحه مثل ماقلت لكم قبل جميلة وراكزة و ثابتة الى حد ما ,. 
اما بالنسبة للوشن ,. والشور جل حسيتهم عطريين بشكل كبير ومزعج ,. 
ضايقو بشرتي و بنفس الفترة جاتني حساسية بيديني عاد مدري هو منهم و الا ايش القضية :(
بس اتوقع بيكون من افضل مجموعات الهدايا عندهم
خصوصا ان شكلة ورائحته جميلة و سعرة مقبول 


السعر مااتذكر بس كان في عرض 
قطعتين و قطعة مجانا ,. بحوالي 160 ريالز ,. 


ودمتم بود 
Post Comment
Post a Comment

Auto Post Signature

Auto Post  Signature