اخر مشترياتي الفاشونية شنطة كروس بودي من Peau Féroce ,.

Wednesday, January 29, 2014

’,


مرحبآ ,. 

اليوم مرررا مبسوطة و محتفلة بوصولي للـ 26 الف متابع بالانستجرام 3>
جدااااا شاكرة لكم هالثقة ,. ماتتخيلون قد ايش تعني لي ,. وقد ايش يعطيني دافع للعطاء ,.
وبهالمناسبة قررت اتلحلح و انزل بوست ,.

قبل فترة نزلت تنسيق على الانستجرام لحفلة بسيطة كنت ابي احضرها 
عاد المتابعة لي من قلب راح تعرف وش صار للحفلة ياحظي لووول ,.


المهم كان من ضمن التنسيق هذي الشنطة اللي كثير سألوني عنها ,.
وعشان ارد عليكم كلكم مرة وحدة قررت انزلها ببوست ,.

الشنطة من البراند اللبناني ,. 

 Peau Féroce  

عرفتهم عن طريق مقابلة تلفزيونية ,.
 كنت اتفرج على على برنامج ( ب بيروت ) و جابو لهم مقابلة
على فكرة ترا جميل هالبرنامج !
و كانو يتكلمو عن هالبراند وان كل منتجاتهم مصنوعة من الجلد الطبيعي 100% 
و اسم البراند معناتة بالانجلش الجلود البرية دلالة على ان الجلود المستخدمة طبيعية ,.

,, هذي المقابلة لو حابين تشوفوها ,,,


عجبتني نقطة انه بداياتهم كانت من ايام الجامعة ,. كانو يبغو يشترو شنط جلد بس ماكانو يقدرو 
لان اسعار الجلود الطبيعية معروف كيف غالية وخصوصا لو كان هاي اند براند T_T
فقررو يعملو شنط جلد والكواليتي ممتاز وبأسعار معقولة الكل يقدر يشتريها
انا هنا الحماس وصل عندي مليون لووول ,. رحت ادور صفحتهم ,. 

وهذي شوية صور من الكولكشن حقهم .. 


الموديل اللي تحت جداااا حبيت منه الابيض والاسود ,. جميلة 
وكمان منة وحدة لونها ذهبي بالكاااامل عجبتني جدااا جدااا 


هذا الموديل اللي تجننت علية ,. كلاسيكي وماتروح موضتة حتى لو لبستة بعد 10 سنوات تبقى مثل ماهي جميلة ,. 
هالموديل في منة الكروس بودي ( الصورة اللي باليمين ) اللي هي تكون صغيرة وممكن تتلبس على جنب ,.
والحجم المعتاد علية الكبير اللي بالصورة اليسار  ,. 

’,

انا حبيت اخذ الكروس بودي ,. لانها جداااا موضة من فترة 
تقريبا مافي وحدة من المشاهير مالبستها !!


الجميل في الكروس بودي انها جداااا مريحه و عملية 
وعن نفسي فادتني خصوصاااا لما اكون طالعه اصور ,. دايم حوسة الكام بملحقاتها بالشنطة بالـ .. بالـ .. كلها تضايقني
فهذي سهلت علي كثير ,. 
بس كنت ابي موديل مميز و مو مرررا صغير و سعر معقول !!
بالنهاية ابي اشيل الاساسيات وابيها تكفي ., فااخترت هذي ,. 


شايفين تشيل لي اساسياتي بالشنطة ,.
عطري وجوالي ومحفظتي وشوية اغراض ميك اب ,.
ممكن تشوفوها بالعرض صغيرة بس ترا عميقة وتشيل ,.


شايفين العطر فوقة جوالي و لسة تشيل كمان ,. بس مثل ماقلت الاساسيات

مثل ماهو واضح اللون اللي اخترتة هو العودي بالاسود ,.
الشنطة مصنوعة من جلد النابا ,.
اللي هو عبارة عن جلود طبيعية من الابقار والماعز تتشكل وتترسم بالشكل المطلوب 
بشنطتي هي رسمة جلد الثعبان و عندهم رسمة جلد التمساح و غيرها من الرسمات 
اللوقو تبعهم مطلي بالذهب 
وجميع الاكسسوارات اللي فيها من سلاسل و حلقات هاااي كواليتي ومايتغير لونها 


اللوقو الداخلي خياطة راقية جدااا 
الشنطة فخمة كثير ,.

بالنسبة لسعرها ؟ ,. 

انا اخذتها بـ 700 ريالز 
واسعارهم اشوفها معقولة مقارنة بالجودة العالية ,.
على فكرة ترا عندهم كمان فلاتات و هيلز و حتى شنط رجالية و احزمة و سلاسل جلدية للبيتس

وهذا موقعهم اللي طلبت منه ,.


وبالنسبة لطريقة الشراء ,.
تختارين الشنطة اللي تبيها
تحتها تلاقي بوكسات تعبينها ,. اسمك ايميلك و مكانك ووو 
وخلال يومين يتواصلو معاك و تتفقو على التوصيل و كل شئ ,.


و دمتم بود ,. 

7 comments on "اخر مشترياتي الفاشونية شنطة كروس بودي من Peau Féroce ,. "
  1. مررره جميلله تتهني فيها ����
    بسألك عن الموقع ثقه يعني وكيف طريقة التوصيل وكم يوم لين وصلتك الشنطه
    ومشكووره على البوست الجمييل��

    ReplyDelete
  2. ااااااه خقيت!!! مره ما شاء الله تجنن تتهني فيها يا عسل، عاد عشقي الشنط ان شاء الله اجربهم☺️

    ReplyDelete
  3. Ive been looking for a good hand bag for me but i couldn't find anything. Oh this, this's the one I want, so classic and that vampy colour is just amazing and 700 isn't really bad for a good quality bag.

    ReplyDelete
  4. جمميييييله جدا
    تتهني فيها حبيبتي شفت الموقع وحبيت من شغله
    انظموا للستة ٢٠١٤

    يعطيك الف عافيه ع البوسسست الجميل

    ReplyDelete
  5. موني ممكن تطلبين لي الشنطه وانا احول لك المبلغ ؟

    ReplyDelete

Auto Post Signature

Auto Post  Signature