مشترياتي الفاشونية من The T-SHIRT SWAG

Thursday, January 16, 2014



’,


مرحبآ ,. 

غبت عنكم شوووي الفترة الماضية , كم يوم مو كتير P:
بس كنت ارتب افكاري للمدونة ابي لها نيولوك و هيدر و حركات بدال ماهي عريانه كدا لووول , 
وكمان جالسة ارتب اموري الحياتية ,. خصوصا ان الفترة الماضية كانت مرهقة جدا لي :(
بالإضافة انة الايام الجاية عندنا كثير مناسبات بسيطة ,. حفلات الكتاكيت الناجحين ,. وشوية مناسبات اكبر ,
فكنت ادور على مصممات عندهم قطع مميزة و جميلة لان بعض المصممات فعلياً اغراضهم خلاقييييين !!
و السوق تعبان و مافي شئ عاجبني الا بعض القطع الرئيسية << حلطمة تايم :(
المهم انة رتبت الاشياء اللي ابيها وخصصت لها ميزانية ,. 
ناقصتني عباية , شنطة , تيشيرتات , ملابس طلعات ... الخ
وفجئة لقيت كل شئ ناقصني ويبي لي مهر بدون عريس هههههه

المهم بدأت بالتيشيرتات وشفت كثير اكاونتات على الانستجرام تقدم هالفكرة ,
ووقع اختياري على المبدعين : 

The T-Shirt SWAG 



و سبب اختياري لهم ؟

اول شئ لان عندهم كثير تيشيرتات فيها فكرة من الهاي اند براند 
زي تيشيرتات شانيل و كنزو و شوزات لابوتان وووو كثيررر 

تاني شئ لان حسيتها قطنية مريحة ممكن اهلكها باللبس اليومي وكمان تطلعني لو نسقت لها شئ غريب 
لحفلات السنافر و جمعاتي مع البنات فااقدر استفيد منها 

واخر شئ وماكان كثير مهم بس برضو ينحسب انة كثيرررر مشاهير وبلوجرز لبسو منهم 
زي ليدي فوزازا و اسيا ,. 



المهم دخلت موقعهم وقعدت اتسطل ,. 
عندهم نوعين من البلايز اللي هي التيشيرتات و السويترز 

التيشيرتات تقريبا فيه 10 موديلات مثل : 








و السويترز فيه 7 موديلات احلاهم دول : 




 







بس جو جدة خلاص قلب وفصل اصلا ههههه عشان كدا اخترت التيشيرتات ,.
وبعد طول حوسة واختيار اخترت هالتيشيرت السوووواج من قلب 



يانااااس عشق عشق البرقع الإيماراتي دا ,. مررررا يجذبني 
انثوي بشكل كبير و فية تتش تراثي عربي ,.
احسة مميز اكثر من لو اخذت كنزو و الا غيرو 




هنا قعدت اجربة ,. ترا مو التنسيق النهائي بس تقريبا دا اللي جاء ببالي 
الجاكيت الاصفر من زارا مع جينز و فلات تايجر برينت ,.
مع ان الاصفر موضة شتاء هالسنة هو و الوردي الا اني حسيتة شوي صيفي وبنسقة مع شئ تاني للمناسبات الجاية
واكيد راح اوريكم التنسيقات بس دحين سرد للماركة و عشان لو وحدة حابة تاخذ شئ مميز لها او هدية
يمكن هالبوست يساعدها ,. 


المهم بما اني كلمتهم عشان المقاسات ,. 
خفت مقاساتهم تطلع صغيرة والا كبيرة واورط  :( 
وعرفتهم بنفسي وكدا ,. لما وصلت طلبيتي لقيت معاها هالتيشيرت هدية ,. 
يعني شقول والله قمة الذوق ,.
مرررررا مشكورين و ماقصرتو ,. 



تجي مغلفة بهالطريقة الجميلة ,. مرررا عاجبني اهتمامهم بالتفاصيل

بالنسبة للأسعار ,. 
270 ريالز للتيشيرت 
و 390 للسويتر

اماكن بوتيكاتهم
دبي / كانديلا بوتيك و استديو 8
و متوفر بعمان و الكويت كمان 
وطبعا السعودية ياقلب لاتبكي ,. 
تقدرو تشتروه مثلي اون لاين 

من هنا 


ردودكم تسعدني وتشجعني على الاستمرار ,. 
ودمتم بود , 
3 comments on "مشترياتي الفاشونية من The T-SHIRT SWAG "
  1. لبس العافيه مره عجبني اختيارك
    لو تشتري معاها تنوره تل ميدي شفتها في اف اند اف ولا تنوره طويلة مفتوحه من الجنب مع هيلز تجي حلوه
    يعني بس اساعدك مع انه ماشاءالله عليكي ما تحتاجي بس لما شفتها عليكي افتكرت التنانير =)

    ReplyDelete
  2. مرررة يجنن ذوقك ملبووس العافية <3

    ReplyDelete

Auto Post Signature

Auto Post  Signature