الجزء الاول : فلسفة الوان الشعر و تجاربي مع الصبغات !!

Sunday, February 23, 2014



’,



مرحبآ ,. 

قبل فترة وعدتكم راح اتكلم عن الصبغات والعناية بالشعر ووو كثير مواضيع عن الشعر ,.
جاء وقت التنفيذ بس الموضوع شوي طويل وراح اقسمة الى جزئين 
الجزء الاول مختص بالتخريب لووول وهو عن الصبغ 
و الجزء الثاني عن العناية مابعد الصبغ 

انا مااراح افتي واقول اني تعلمت اسس الصبغ و لا درستة ,. ولا انا انسانة بروفشينال فيه !!
انا مجرد انسانة من تجاربي الكثيرة الفاشلة و تجاربي الناجحة تعلمت !!


بداياتي مع الصبغ ؟



بمراهقتي كنت انسانة صرعة صرعة !
يعني طلع الاحمر صبغتة , الموف صبغتة , الازرق صبغتة 
ابد شفتو الكتالوج تبع الالوان اقدر اقلكم مر على شعري لون لون !!
لدرجة اني افتكر ايام المدرسة و الجامعة باالوان شعري !!!!

ثاني ثانوي الترم الاول كان شعري مقصوص فراولة بوي و لونة احمر برغندي !!
و اخر سنة بالثانوي كان موووف هههههه
الجامعة افتكر بداياتها كنت شقراء شقراء يعني ابدا نيكول سابا 
وهو من الالوان الاليمة علي بس متعب جداااا للشعر لانة مسحوب لون تماما 

بعدها على نص الجامعة تقريبا دخلت بالبنيات والالوان الطبيعية 
اظن المراهقة توقفت عندي بذيك السنة لوووول 
صرت اختار الوان اهدأ و طبيعية اكثر



الالوان و الشخصيه ؟ 


انا انسانة احب الاكسترررريم !! 
يعني الشقار البسيط مااحبة !! احسة لعب عيال و ماهو واضح !!
اما اكون شقراء شقراء والا بلاش اخصل بشئ مو باين !!
وهالشئ يفسر كرهي للبنيااات 
لانه لون وسط !! 

بيني وبين البنيات كره مو طبيعي ,. مو لانها ماتليق على لون بشرتي 
بالعكس انا حنطية فاتحة ( ساند ) و البنيات جميلة على هالبشرة 
بس هالالوان ماتليق بشخصيتي !!

وهذي النقطة مهمة جدااااا , 
في بنات كثير مثلا تبي تكون شقراااااء بس للاسف مايليق عليها !!
حتى لو حطت الالوان اللي تليق فيها يضل شئ في قلبها يأزم نفسيتها وشخصيتها تبي الشقاااار 
عشان كدا نشوف نسبة كبيرة من البنات صابغين الوان احنا نشوفها سيئة عليهم 
بس هما مقتنعين وراضين تماما عن نفسهم ؟!!
وكثير بنااات نشوف انهم لو صبغو بيطلعو اجمل بس مايقدرو يصبغو لان شخصيتهم ماتسمح لهم !!



دلالات اللون ؟ 


الالوان لها فلسفة خاصة وبترمز لأبعد من ان اللون فقط بني او اسود او اشقر !!


غالبا البني ودرجاتة عادة تعطي لوك ناعم للبنوتة وهادئ ,.
لاحظو مثلا في الافلام و المسلسلات غالبا البنوتة الطبيعية يكون لون شعرها بالبنيات ,. 
بس لو انها تعرضت لموقف وتغيرت شخصيتها هنا غالبا يغيرو لون شعرها !!
مثلا لو صارت في كاريكتر البنت الشريرة او خلينا نقول القوية ,. 
يغيرو شعرها للداكن جدا او الاحمر و برضو يغيرو طريقة مكياجها للغامق !!
واذا الشخصية بنوتة شقية و مغرية او دلووووعة بزيادة غالبا يقلبو لون شعرها للأشقر الفاتح جدا !!
وعموما هالدلائل تتغير حسب الخلفية الثقافية في كل بلد ,. 

فـ صعب ننكر ان لون الشعر له دلائل بمخنا ترمز لشخصيات معينة ,.




مثلا في فلم Salt غيرو لون شعر انجلينا بعد ما انخطف زوجها ( اظن )
تحولت من روسية شقراء ناعمة 
الى بنت بشعر اسود و اللي اعطاها لوك اكثر قوة وجرائة وهذا يوصل فكرة انها تبي تنتقم بشكل اقوى !!



ومن التغيرات الواضحة جدا مايلي !!
لما كانت صغيره كان شعرها بني اللي معطيها لوك طفولي ناعم و هادئ 
لما حبت تورينا الوش التاني صبغتة كثيررررررر الوان ولقت نفسها بالبلاتيني !
ساعدها في ابراز قوه شخصيتها و تحررها .



الزبدة ؟ 

(( ارضي شخصيتك بلون يناسبك ))

انا مثلا جربت جممممميع درجات البنيات !!
وكل ماحطيت لون صحباتي ينهبلو علية و فعليا بنات كثير يسألوني عن درجة لون شعري 
بس انا من جواتي مو مرتاحة ولامقتنعة و لا احب هالالوان !!
فصرت من تغيير الى تغيير الى تغيير الى ان وصلت للعشق والاقتناع التام ,,

الاسود !!

انا شعري بطبيعتة مو اسود فاحم !
بني شوكولاتة تقريبا من اغمق الوان البنيات ,. بالنسبة لي اشوفة لون عادي وممل !!
الاسود مع لون بشرتي و لون عيوني المعتاد ( افتح درجات الرمادي ) 
مع مكياجي المعتاد لايت سموكي ايز و شفايف روز فاتحة 
جدااا جميل ومعطيني اللوك اللي يرضيني جدا 

وكل الالوان اللي سبق و جربتها ,. فية منها اللي ناسبني 
وفي منها اللي كان وااااو و اللي طلع سيئ 
واللي جميل بس له عيوب مثلا يعدم الشعرة او ينزل بسرعة !
فااختارو لون يناسب ميولكم الشخصية + لون بشراتكم 
عشان توصلون لمرحلة الاقتناع والرضى عن النفس ,.



قوانين الصبغ ؟


لازم نعرف ان عشان الصبغة تكون جميلة و توافقك تمااااااما لازم تستندي على قواعد بسيطة 
هي في الحقيقة ماهي بسيطة و خبراء الشعر بيتعلموها على مدى سنوات
لكن انتي ك بنوتة تبي تروح الصيدلية وتجيب الصبغة وتصبغ بالبيت لنفسها
مااتوقع راح تحتاجي هالكم من المعلومات ,. 

من وجهه نظري اشوف ان الصبغة لازم تتوافق مع لون بشرتك ولون عيونك الطبيعي 
او اللوك اللي داااايم تكوني فيه و شخصيتك ,.

يعني لو انتي انسانة تلبس عدسات على طول وبكل مناسبة 
و لون واحد مثلا مثل هيفاء لدرجة نحسب عيونها فعلا رمادية
هنا اقلك راعي طريقة برضو هالنقطة ! 

راعي لو انك مثلا ماتحبي تتمكيجي على طوووول و تروحي تصبغي اشقر !!
كارثة راح يبان وجهك شاحب طول الوقت و راح يقولون لك اهلك مثل ماقالو لي اهلي مغبرة !!
لان الشقار على درجة بشراتنا العربية تعطي شحوب لازم تعدلية بالمكياج

راعي انك انسانة طبيعية مو نجمة بوب و لا من المشاهير اللي يحللو الصبغة مزبوط
انتي لو صبغتي احمر ناااااري مثلا 3/4 غسلات اللون حيبدأ يخف 
5/8 غسلات اللون يبهت وراح تضطري تصبغية من جديد !!!
في ال 8 غسلات ممكن تمر عليك زيارة وحدة او مناسبة وحدة وممكن لاااا كمان
فمعقولة اضطر اصبغ شعري كل 8 غسلات !!!!
انا مو ضد الالوان اللي تنزل بسرعة ,. وبالعكس احبها
بس ممكن تعمليها قبل المناسبة المهمة بكم يوم و بعدها تغيري للون يضمن الراحة لشعرك ,. 

كمان حاولي تبتعدي عن الالوان اللي ماتطلع الا بسحب اللون !
خصوصا لو كنتي من جنبها في الاهتمام ,.
سحب اللون يخلي الشعرة كانها خيوط من البلاستيك او المطاط اللي يجي داخل الاساور احيان 
كل مامطيتية طال وصار مجعد و احيان كثيرة ينقطع 
فاابتعدي عن هالالوان افضل ,.


تجاربي ؟ 



انا من حوالي سنتين ماصبغت شعري نهائيا !!
بس صبغته قبل الوان وماعجبتني ورجعت صبغتة اسود 
واحيان يخف سوادة واصبغة كمان اسود واسود واسود 
فاللون تغلغل بشعرتي !!

جيت اصبغ قبل سنة بالزبط من الان ,.
رحت لوحدة فاهمة عملت لي سحب لون تست لخصلة و اللون بسحب اللون ضرب على الاورانج 
فقالت لي انا مااصبغ شعرك لان النتيجة راح تكون سيئة جدا !
وقالت حاولي بعد 6/7 شهور يمكن اثر السواد يخف من شعرك 
وهذا اللي صار ,.

انتظرت هالمدة ورحت صالون تاني للاسف واعتمدت على سمعتة فقط العالية جداااا
وبدون اي تست او شئ سحبو لي لون شعري كاملا 
الشعر تأثر صح بس النتيجة طلعت جميلة مؤقتااا
مع اني كردة فعل على الصبغة و تعامل الصالون السئ ماحبيتها لفترة بس حبيتها بعدين 
كنت طالبة الاشقر الزيتوني الرمادي
و حصلت مرادي لفترة قصيرة

طلع شعري بهاللون ,. 


كان جدا جميل ومناسبني لكن عيوبة كثير ,. 
اولا ,. لازم لااغلب الوان الشعر ينسحب اللون خصوصا لو شعرك الطبيعي غامق !
ثانيا ,. اللون لاتحلمي يفضل زي ماهو عليه !!
كل غسلة تشوفي اللون تحت رجولك ينزل مع الشامبو 
فمع كل غسلة راح تلاحظي اللون خف كثيرررر
ثالثااا ,. يعتبر من الالوان اللي لو بتكون على بشرات عربية تحتاج كمية مكياج كبيرة تصحح الشحوب للبشرة  !




في احد المرات خف اللون و وصل لهدرجة ,. ابد شيلو وجة هيفاء حسين وحطو وجهي والا اللون نفسسسسو
ههههههههههههههه كان يوم مرعب 
وهالشئ خلاني ارجع اصبغ اللون مرتين عشان احافظ على نتيجتة الاولى
بس برضو يعتبر من الالوان الصعبة وتحتاج تجديد مستمر 
وماني مفرطة بشعري لهدرجة اصبغة كل 3 اسابيع مرة :(


وبعد هالمقدمة التاريخية الفلسفية كلها 
نخش في القسم العملي وهو كيف اصبغ الالوان اللي ابيها بالزبط في البيت !! 
لوووول 


اشقر زيتوني ؟!


الاشقر الزيتوني مو لون صعب ولا مستحيل و لا على قولة كثير من البنات مايطلعونة لك الا الصالونات !!
كلام فاضي ممكن تعملية بالبيت بشر,.,. 

شعرك مايكون مصبوغ لون غامق ( اسود - بني غامق ) او فية حناء 

غير كدا راح يزبط تماما ,. 
وهذا الشئ اللي خلاني اروح الصالون ,.
لانة انا عارفة ان شعري مصبوغ عدة مرات اسود فما راح يروح الا بسحب اللون 
بس لو كان شعرك بيور بدون اي صبغات او حناء راح يزبط اكيد 

عشان ابسط لكم الموضوع ,. 
الصبغ مثل دمج الالوان المائية ببعض عشان يطلع لنا لون جديد ,.
بس الالوان المائية تدمجي لونين على ورقة بيضاء صح ؟
فتاثير اللونين مع بعض هو بس اللي حيظهر 

بينما الشعر تدمجي الالوان على خلفية لون الشعر نفسة 
يعني مثلا انا قلتلكم ان اللون الاشقر الزيتوني عباره عن :

انبوبين صبغة واحد اشقر رمادي فاتح و واحد رمادي فاتح جدا اوكي 

انتو سمعتو المعلومة ورحتو اشتريتوة وطبقتو ,. 
مو كلكم راح تطلع معاكم نفس النتيجة ليششششش ؟؟؟؟

اشقر رمادي + رمادي فاتح جدا + شعرك الان ( اسود ) = لون بني خفيف تقريبا وممكن يقلب عسلي !
اشقر رمادي + رمادي فاتح جدا + شعرك الان ( اشقر ) = لون شقار فاتح جدااااا !!

فعشان كدا الصبغ يحتاج الى دراسة + ذكاء !


بس عموما راح اعطيكم مفتاح بسيط اعتمد علية في الصبغات واغلب الاوقات ينجح ,.


معادلة الصبغ ؟




اللون المرغوب باهت طافي رمادي ؟!
اختاري مع لون الصبغة اللي تبينها افتح لون من درجات اللون الرمادي بالكاتلوج 
وهو غالبا اشقر رمادي فاتح جدا ,. للون جدا رمادي 
او اشقر ثلجي ,. للون رمادي خفيف
ممكن تشوفينة بالكاتلوج مرعب !!! كانة شعر عجوز !!!
لاكن هو اللي راح يطفي لك لون الصبغة 
واختاري اوكسجين الصبغات الفاتحة القوي 




اللون المرغوب مضئ لامع ذهبي ؟
اختاري مع لون الصبغة اللي تبينها افتح لون من درجات اللون الذهبي بالكاتلوج
و هو تقريبا اشقر فاتح جدااا ,. للالوان الذهبية الفاتحة جدا
او اشقر ذهبي ,. للمعة ذهبية بسيطة 
والاوكسجين العادي راح يزبطة 




بعد ماصبغت شعري الزيتوني دخلنا على فصل الشتاء 
واغلبنا يعرف كيف موضة الشعر الاحمر هذي الشتوية 
اغلب الفنانات العرب عملوة و الاجانب كمان ,. 

ولان شعري اساسة فاتح حاليا و راح احط علية احمر بس 
تخيلوة في الالوان المائية 
لون احمر + اصفر غامق شوي ايش يطلع ؟ 
تقريبا على احمر برتقالي ومو هذا اللون اللي ابية !!!

ابي لون احمر برغندي دافئ وغامق جدااا ماابي الاحمر الصارخ

فااخترت لون احمر برغندي + انبوب بني غامق 
اعطاني بالزبط هالنتيجة 


بينما لو بنوتة عادية لون شعرها الاساسي بني غامق 
وصبغت برغندي + بني غامق مستحيل يبان بنفس الدرجة 
فااستغني عن البني الغامق واكتفي بدرجة البرغندي وراح يطلع كدا


المهم الموضوع طااااااال جدا جداااا 
و اتمنى اكون وصلت لكم المعلومات اللي تحتاجوها 
وانتظرو الجزء الثاني قريبا ,. 

دمتم بود 

39 comments on "الجزء الاول : فلسفة الوان الشعر و تجاربي مع الصبغات !! "
  1. طيب بالنسبه للي بتحط حنه ؟؟ كيف حيكون و صح انو لازم ماتحط الحنه لمده سنه وبعدين تصبغ عادي ؟؟ وشكرا موضوعك مرا مرتب ومفيد الله يسعدك يارب

    ReplyDelete
    Replies
    1. الحنه تخلي اي لون صبغة يقلب على اورانج
      تقدري تصبغي بعد مرور 6 شهور بس الالوان الذهبية
      و الا تحتاجي تطفية للون
      ومشكوره على الكلام الحلو ياجميلة

      Delete
  2. موضوع راااائع الف شكر لك حبيبتي وننتظر الجزء الثاني

    ReplyDelete
    Replies
    1. حبيبتي مشكورة ياجميلة

      Delete
  3. طيب انتي عندك فكرة عن صبغ الأومبريه ؟؟ يعني اللي يكون كلو بني غامق بس بآخر الشعر اشقر مثل شعر zoella ??

    ReplyDelete
    Replies
    1. دي ينسحب لون اطراف الشعر بس جداااا جميلة

      Delete
  4. بالعكس عني استمتعت كثيييير بكلامك ومعلوماتك مجهود تشكرين عليه من قلب ،،باانتظار الجزء الثاني

    ReplyDelete
    Replies
    1. تسلمين لي ياجميلة انتي

      Delete
  5. الله مدونتك جميلة مرا عجبتني الله يحميكي اضن حتكون مرجعي الاول ♡♡الله يسعدك ياشيخه

    ReplyDelete
  6. طيب عشان يطلع اللون على شعري البني الغامق
    يحتاج أصبغ مرتين
    المرة الأولى يسير لون شعري عسلي بعدين ارجع للرمادي آت الفاتحة جداً بعدين يطلع اللون المطلوب؟؟؟
    يعني احتاج اربع علب صبغه كدا مظبوط

    ReplyDelete
  7. حبيبتي يعطيك العافية
    استفدت كثيييير
    بس حابة اسالك ايش هو احسن اكسجين للصبغات الفاتحة جدا!
    خاطري اصبغ رمآدي
    وشعري حالًيا ع بني بس نزلت الصبغة وابي اغير

    ReplyDelete
  8. موضوع روعه وتشكري عليه..جد استفدت.بس انا شعري ابحين بني فاتح ع ذهبي..ابغى لون رمادي وسط..اللي فهمته اخد رمادي فاتح جذا وهو اللون المساعد ..تيب ايش اللون الثاني؟ اللي اختاره وابي شعري نفسه؟

    ReplyDelete
  9. بوست جميييييييييل جدا أستفدت منه .. بس بقول لك اللي شعرهم غامق ومهما صبغو ما يبان اللون هذولي ايش وضعهم؟؟ يعني أنا شعري بني غامق جداً .. ابي اصبغ احمر برغندي نفس الصوره الاخيره كيف؟

    ReplyDelete
  10. انا كل مرا اروح اعمل صبغه بني بتطلع تجت الشمس في لمعه حمرا
    فهمت من البوست انو عشان تروح اللمعه احتاج اصبغ اشقر رمادي فاتح جدا؟ وكيف حيطلع لو شعري بني حاليا؟بني بلمعه حمرا

    ReplyDelete
  11. طيب شعربني غامق وماصبغا ليا ٥ سنوات ونفسي بلون بورغندي على موف وماني عارفه كيف هل اشتري علبه بورغندي+لون احمر ناري عشان تطلع النتيجه

    ReplyDelete
  12. شككككراااا كبر الدنيا

    ReplyDelete
  13. ياططططعمك ييياششششيخه... لعد توقفين هذره اكتبي واشرحي واسترسلي قدما الله يقدرك ..

    ReplyDelete
  14. الله يعطيك العافيه ماقصرتي
    انا تاركة الحنا من ٩ شهور تقريبا وصبغت شعري اشقر ساحر + اشقر غامق من غارنيه وخليته على شعري ساعه ونص تفتح شعري من فوق اكثر من الشعر اللي تحت بس اللي مزعجني ان اللون اللي فوق احسه بني على حمرة كانه لون عجوز كيف اوخر الحمرة

    ReplyDelete
  15. يعطيك العافيه موضوع راائع جربتي صبغات لاكمي وتنصحيني فيها.. وكيف اللون الزيتوني منها لو لون شعري بني فاتح اش تتوقعي يطلع

    ReplyDelete
  16. السلام عندي استفسار انا شعري حنيته من شهرين والحين ابغى اصبغ اطراف الشعر أحمر لازم يتفتح الشعر صح انا اقول عادي افتحه ولو طلع اورنج عادي لاني برجع اصبغ أحمر هذا الكلام صحيح يطلع اللون أحمر مزبوط

    ReplyDelete
  17. طيب لو سمحت انا صبغت اشقر لؤلؤ طلع لون برتقالى بس نفسى فى رمادى جدا اعمل ايه ؟؟؟؟

    ReplyDelete
  18. طيب حبيبي ماذكرتي عن اللي لون شعرها لولايت رماديات بس نازل وجذور طالع لون الشعر الاساسي غامق كيف اصبغه عشان يتوحد ويطلع لون رمادي مطفي ؟؟

    ReplyDelete
  19. وش افضل صبغه قارنيه ولاكولستون انا ودي اصبغ شعري برغندي وهو بالاساس بني غامق

    ReplyDelete
  20. وش افضل صبغه قارنيه ولاكولستون انا ودي اصبغ شعري برغندي وهو بالاساس بني غامق

    ReplyDelete
  21. مجهود تشكري عليه جدا استفدت الله يعطيك العافية

    ReplyDelete
  22. مجهود تشكري عليه جدا استفدت الله يعطيك العافية

    ReplyDelete
  23. حبيبتي حبيت اسالك سؤال ؟
    انا بشرتي فاتحة
    ولون عيوني عسلي
    وشعري بني فاتح وحبيت اغيره
    وش افضل لون تنصحيني فيه

    ReplyDelete
  24. ياخساره ليتني رجعت قريت موضوعك قبل لااصبغ صبغت اشقر زيتوني واللون ماطول اسبوع وقلب اللون على اشقر وشوي ذهبي وكل مااحط الشامبو البنفسجي يفتح اللون الاشقر احس اني مقهوره ماني عارفه وش اسوي غير كيف اعتني فيه من ناحية النفشه لان الأخصائيه قالت ماسكات الشعر انسيها

    ReplyDelete
  25. مشكوره علي الكلام الحلو شعري اشقر فاتح نازل من عند الجذور بدي اعمله رمادي فاتح صاحي كيف

    ReplyDelete
  26. انا بشرتي سمراء فاتحة و لون شعري اسود اريد ان اصبغه اشقر فاتح مادا افعل

    ReplyDelete
  27. انااا شعري مصبوغ بسود تمام وبطلت يجي من سنه واكثر من صبغه اسودا بس احنيه حناء .والان فتحته ب اكسجين وكاكاو ونسكافيه والان فاتح شوي واشتي وبنفسي لون البرغندي وانااا حنطيه كيف اصبغ ولاكيف

    ReplyDelete
  28. انااا شعري مصبوغ بسود تمام وبطلت يجي من سنه واكثر من صبغه اسودا بس احنيه حناء .والان فتحته ب اكسجين وكاكاو ونسكافيه والان فاتح شوي واشتي وبنفسي لون البرغندي وانااا حنطيه كيف اصبغ ولاكيف

    ReplyDelete
  29. انااا شعري مصبوغ بسود تمام وبطلت يجي من سنه واكثر من صبغه اسودا بس احنيه حناء .والان فتحته ب اكسجين وكاكاو ونسكافيه والان فاتح شوي واشتي وبنفسي لون البرغندي وانااا حنطيه كيف اصبغ ولاكيف

    ReplyDelete
  30. شعري أسود ومن اسبوعين صبغته بني عسلي وهاي لايت اشقر، اللون الآن للهايلايت بيتحول دهبي ومضايقني.
    عاوزة احوله أحمر برغندي غامق ينفع؟!

    ReplyDelete
  31. شعري أسود ومن اسبوعين صبغته بني عسلي وهاي لايت اشقر، اللون الآن للهايلايت بيتحول دهبي ومضايقني.
    عاوزة احوله أحمر برغندي غامق ينفع؟!

    ReplyDelete
  32. شركة مكافحة حشرات بالاحساء
    ان للحشرات اضرار ومخاطر على الصحةولكن البعض منا يستهون بالامر كما لو انةامر عادى ولكن هذا يكون الخطا الذى يقع به البعض لانة لا يعلم مدى الخطوره التى تجلبها الحشرات وخاصتا فى المنازل التى يتواجد بها اطفال وسوف نقوم باخباركم ببعض المخاطر والاضرار التى تسببها الحشرات فمثلا حشره النمل الابيض تقوم بهدموتدميرتساقطوانهيار المبانى اما الثعابين فلدغتها تتسبب فى تسمم الاشخاص وقد يؤدى لوفاه اذا لم يتم معالجته فى الحال وهناك بعض الحشرات الاخرى ولكننا لا نريد ان نطيل عليكم الحديث فاذا اردتممعرفة المزيد فاليكم افرع شركتنا شركة رش مبيدات بالاحساءوشركة مكافحة النمل الابيض بالاحساء
    اما التنظيف فيعتبر من الامور المهمه فى حياتنا لذلك فنحن نهتم بكل امور النظافة ولدينا العديد من الافرع المختلفة فى جميع مجالات التنظيف
    شركة تنظيف بالاحساء
    شركة تنظيف منازل بالاحساء
    شركة تنظيف فلل بالاحساء
    شركة تنظيف شقق بالاحساء
    شركة تنظيف مجالس بالاحساء
    شركة تنظيف كنب بالاحساء
    اما بالنسبة لعزل الاسطح والخزانات فلدينا فروع تتميز باحدث مواد العزل التى تعزل الرطوبة والعوامل الطبيعية والجوية وفروع الشركة كالتالى
    شركة عزل خزانات بالاحساء
    شركة عزل اسطح بالاحساء
    ولدى الشركة فرع خاص بكشف تسربات المياه واكتشاف اماكن التسرب ومعالجتة
    شركة كشف تسربات المياه بالاحساء
    للاتصال وطلب الخدمة
    جوال رقم 0558973863

    ReplyDelete

Auto Post Signature

Auto Post  Signature