ثلاث منتجات ربيعية من بينفت تحت مجهر ليدي موني P:

Sunday, March 23, 2014

’,


مرحبآ ,. 

طولت عليكم بالبوستات :(  ,.
بس فعلياً تاخذ وقت طويل في التصوير والتعديل وتجميع المعلومات والتجربة ,. 
وماابي استعجل واكتب عن منتج بسرعه بدون مااعطية حقة بالشرح تروحون تتحمسون وتاخذوة وتزعلون مني :(
فااعذروني لو طولت شوي بس ابي اجرب المنتجات مزبوط ,.
وغالبا اعطي ريفيوهات مصغره عند الاستخدام عن اغلب المنتجات في الانستاجرام
لو حبيتو تاخذو فكرة سريعة شوفوني هناك ,. 

طيب اليوم الريفيو عن 3 منتجات من بينفت ,. 
هي منتجات لفصل الربيع توفرت من بداية الشهر الماضي ( فبراير ) في اسواقنا 
المهم اخذت منهم ثلاث منتجات وهي : 




LOLLI tint , ULTRA PLUSH lip gloss
HERVANA blusher 

والان لي بالزبط شهر و 15 يوم اجربهم 
و اشوف ان هالوقت كااااافي جدا للتقيم الشامل ,. 


ونبدأ بــــــ ... 

HERVANA blusher 



بينفت مشهورة بالبلاشرات اللي بالعلب المربعه دي !!
كانت لي تجربة جميلة مع واحد من بلاشراتهم وهو Rockateur وتقريرة المفصل هنا

فتحمست لهذا ,. 
طيب نشرح شوي ,.
البلاشر عبارة عن اربع الوان مع بعض ,. 
لما تلفين الفرشاه بالعلبة ينتج لك لون واحد ,. 
طبعا مو بفرشاتهم الخايسة ذي لانها ماتنفع بريال ,. وقال ايش شاطفينها يعنني غيرنا عن القديمة المستويه ,. 
فرشهم سيئة ولاتشيل اللون وخشنة جدا ماحبيتها مرا 
المهم هذا سواتش الالوان ,. 

لاحظو المرايا مكسوره :( بس ماعليها حسافة لووول


الالوان بين الموف و الوردي و المشمشي و الهايلايت الفاتح بيبي بينك  ,. 
الالوان بشكل عام جداااا خفيفة وصعب تطلع من العلبة ,. 
عموما لما تندمج سوا يطلع اللون اللي فوق على اليمين ,. 
بيبي بينك جداااا فاتح ,. 
احس صعب يبان على بشراتنا العربية !! 
انا عن نفسي لو احط منه كيلو مابان كثير 
حتى على البنوتة باين خفيف جدا جدااا مع ان بشرتها بيضاء باردة ,. 
احس هالبلاشر للبشرات البيضاء الثلجية من كثر البياض لووول 
مااقدر اقلكم عن نسبة الثبات لان اللون للاسف مايبان عشان يثبت !!

سعره 105 تقريبا وتلاقوه بسيفورا ,. 



المنتج الثاني : 

LOLLI tint  
هو لون جديد اضافوة لقائمة التنت ( ملونات الخدود والشفايف ) عندهم  ,. 
ماادري اذا قلت هالمعلومة من قبل بس بينفت اول مابدأت ,. بدأت باانتاج التنت وبعدها توسعت للميك اب 
عشان كدا احس مااحد ينافسها فيه خبرة لووول ,. 

هذا المنتج مستخلص من زهرة الاوركيد ,. ولونة جاي على افتح درجات الموف 
واحيان احسة خمري ,. بس هم يصنفونة موف !!

هذا سواتش له .. 

طبعا اللون يفرق من لون شفة للون شفة  .. 
اللي فوق باين افتح لان شفايفها فاتحه اساسا ,. ولانها واضح حاطة طبقة وحدة من اللون وبشكل خفيف
اللي تحت باين اللون اغمق لانها حاطة طبقتين ,.

اللي لاحظته انه قوامة اثقل من كل كل ملوناتهم !!
واللون اوضح واجمل وطبيعي اكثر 
عندي غالبية ملوناتهم بس هذا غيرررررر اخترعو اختراع فية بصراحة 
وثباتة عالي جدا جداااا بدون مبالغة لو حطيتي منة طبقتين مايحتاج نهائيا تشيكي علية لمدة 4/5 ساعات واحيان اكثر !
بالنسبة للخدود نتفة نتفة وكافية جدااااا حتى لو غسلت وجهي باقي ,. فعشان كدا اقلكم لاتكثرون 
لانه صعب تصلحون الخطأ بالخدود بسرعه يمسك اللون
جدا عشقتة صراحة وصار من ضروريات شنطتي 
منقذ اللحظات الصعبة لووول 

هنا الجميلات اللي سألوني ايش بيفرق عن POSIETINT 
جبتلكم سواتش لملونات بينفت وواضح الفرق 
اللولي لونة على موف و البوسيتنت وردي وردي 

سعره 149 ريالز و تلاقوة بسيفورا 


المنتج الثالث و الأخير ,.  


ULTRA PLUSH lip gloss !

يمكن غالبيتكم يعرف اني اكرة الليب جلوسز بشكل عام  ,. 
لاني اكره الاحساس بالتدبيق على شفايفي جدا جدا ,. 
عشان كدا افضل الارواج المات على الكريمية ,. عقدة ولله الحمد !! 

بس هذا ارتحت لة ,. لاحظو ارتحت له مو حبيتة لووول 
لانه خالي من الجليتر اللي يزيد الوضع سوووووووء ,. 
اللي تقدر تحط جلوس جليتري على شفايفها يبي لها شهادة شكر وتقدير ,. 
غير كدا قوامه شوي اثقل من الجلوسات المعتادة 

طيب بالنسبة للون ! شايفين جمال الوردي هنا !!
مايبان منة الانقطة على الشفايف 
خفيف جداااا و ككل الجلوسات الثبات خفيف
لكن فية شئ مزعج بالنسبة لي اللي هو الريحة !!
احسهم تعبو بريحته واخترعو له ريحة بس ماهي على مزاجي ابدا 
جدا مزعجة بالنسبة لي ,. 
كانها ريحة شئ بلاستيكي !!

عموما هذا سواتش لة : 

شايفين كيف فرق بين شفايف اللي فوق واللي تحت ,. 
زي ماقلت لكم في الارواج والملونات اللي لونها خفيف لون الشفة الاصلية هو الحكم الفاصل 
لو شفايفك غامقة مابيطلع اللون مزبوط وبيأثر على اللون 

اي نسيت اقلكم هو منة 6 درجات ,.  
انا الدرجة اللي عندي هي LOLLIBOP 

عمومااا سعرة بـــ 60 ريالز بسيفورا 


ودمتم بود ! 

5 comments on "ثلاث منتجات ربيعية من بينفت تحت مجهر ليدي موني P: "
  1. نفسي في اللولي تنت مره حلوة
    يعطيك العافيه موني

    ReplyDelete
    Replies
    1. يعافي لي هالقلب ياجميلة انتني
      اي تراه جدا حلوووو لايفوتك

      Delete
  2. ممكن تتكلمين عن ميك اب فكتوريا سكرت وعن ريش حقتهم خاطري اشتري بس ماعرف كيف بتكون الجوده

    ReplyDelete
    Replies
    1. فيكتوريا سيكرت لاحظت عندهم كم باليت وقلوسااات اشكالها تجذب وبنوتية بس مااتوقع راح تكون ذات جودة عالية لانة مو تخصصها و حاطين الميك اب كجزء من الكماليات بس ان شاء الله لو جربتة بكتب عنه

      Delete
  3. جربت اللولي تنت وتحسفت ع فلوسه مدري ماعرفت استخدمه ولا شو يطلع مبقع يتجمع ف النص كذا كانه مظهر روج رايح ����

    ReplyDelete

Auto Post Signature

Auto Post  Signature