تجربتي مع ارواج كيكو ( Kiko ) الكريمية والمات !!

Saturday, April 12, 2014
’,


مرحبآ ,. 

قبل فترة خبرتكم عن اني قضيت اغراض من كيكو  ,.
وتكلمت عنها ببوستات قبل ,. 
تكلمت عن شدوهاتهم و ارواج كريمية خفيفة ,. واليوم بنتكلم عن الأرواج ,.
واخذت منهم 3 ارواج للتجربة ,. 
ومستقبلا راح اتكلم لكم عن الاكحال و البلاشرات و المناكير وووو كثير اغراض
فخليكم بالقرب ,. 

 (( اللي ماشافت البوستات السابقة تقدر تشوفها من التقسيمات اللي بيسار المدونة 
تدخل على اسم الماركة ( Kiko ) وتلاقي كل البوستات اللي تخص هالماركة ))



اخذت اكثر الالوان استهلاكاً عندي ( مع اني عندي كثير درجات مقاربة لها من ماركات ثانية او نفسها كمان )
 بس ماحبيت اجازف بالوان غريبة عشان لو ماعجبتني كواليتي الماركة بالقليلة تعجبني الالوان وتجبرني استهلكها ,. 



بالبداية لازم تعرفي ان كيكو يقسمون ارواجهم لـ 4 انواع ,. 


( الصورة من موقعهم ) 

النوع الأول هو : 

 Luscious Cream - Creamy lipstick 

من الاسم واضح لكم انه روج كريمي ,. 
بالعادة تكون الوانها متوسطة الوضوح و ترطب الشفايف و مدة ثباتها متوسطة 

النوع الثاني : 

Velvet Mat - Satin Lipstick 

وهو الروج المااااات ( المطفي بدون اي لمعه ) 
بالعادة يكون اللون جدا واضح وقوي , مدة الثبات طووويلة , بس تبين اي عيوب بالشفايف
مثل القشور و كدا , وغير كدا مع كثر الاستعمال تنشف الشفايف 
لان مافيها ترطيب 

النوع الثالث : 

Luscious Chrome -Metallic Lipstick 

وهي ارواج تكون فيها لمعة قوية ذهبية او فضية بالغالب 


مثل كدا S: 
وهالنوع ماجربتة لان مااحب هاللمعه على شفايفي ,. 

النوع الرابع : 

Crystal sheer - Glossy Lipstick 

وهو روج جلوسي لامع جدا كانك كاطة جلوس بس بتاثير اخف طبعاً
وانا اصلا مااحب الجلوسات ولا التأثير اللامع بزيادة 
و كمان كنوعية هذي اقل انواع الارواج ثباتاً 


فتجربتي فقط مع نوعين من ارواجهم : 


الكريمي & المات 



ونبدأ نحلل الأرواج ... 



الروج الأول هو كريمي من قائمة : 

 Luscious Cream - Creamy lipstick 

هو روج كريمي خفيف ومرطب للشفايف ,. اللون قوي وواضح وهذا اللي استغربتة
بالعادة الارواج الكريمية تكون اخف ,.
مكتوب بالموقع انة يحتوي على مكونات تحافظ على رطوبة الشفايف 
و عوامل تحمي الشفايف من الشيخوخة 


من هالنوع 25 درجة !!



والدرجة اللي اخترتها هي : 

519 Baby Pink

وهذا السواتش : 



اللون بيبي بينك بمعنى الكلمة ,. 

اللون مختلف شوي عن السواتش اللوني الموجود بالموقع 
اللي هو راس الروج اللي تحت 
اللون افتح بكثير وتحسي الاندرتون تبعة بارد 
مااقدر نهائيا احطة بدون فل ميكأب لان اللون زي ماقلت بيبي بينك قوي قوي 
فية كثير بلوجرز يعتبروة بديل لروج ماك Please me 

عن نفسي حبيت الروج والقوام والدرجة  
واستخدمة بالفل ميكاب او فوق محدد شفايف لحمي 




الروج الثاني و الثالث هي ماااات من قائمة : 

Velvet Mat - Satin Lipstick 

هالنوع عجييييييييييييييييييب ,.

اللون قوي وثباتة عالي جدااا وماينشف على الشفايف وييبس 
مكتوب علية نفس المكونات بالروج السابق ,.

عموماً ...

من هالنوع : 

15 درجة واخذت درجتين زي ماقلت قبل
الاولى الاحمر الناري ,.

606 Fire red 


هذا سواتش للون الجميل جدا 






ونفس الشئ اللون يختلف شوي عن الألوان الموجودة بالموقع
اغلبها افتح بدرجة او درجتين ,. 

اللون احمررر بس فية نتفه اورانج 

جدا جميل وغريب ويصلح للبشرات الدافئة جدااا 
وممتاز للربيع والصيف درجتة عاشقتها بعنف ,.


اللون الثاني من نفس الفئة المات ,.


وردي خمري لحمي اللي تبون تسمونة سموة المهم انه جممممميل ,.

الدرجة : 

613 Pink Carnation 






شايفين الفرق بين اللون بموقعهم و بين السواتش 
ككل الوان موقعهم اغمق ,.

اللون وردي جميل هادئ ومناسب للصباح و السموكي ايز 

انصح بهالماركة بالارواج ابداع صراحة 
وتعليبها جميل و غريب ,.





تضغطي الروج من فوق وينزل جدااا مميز ,.


طيب بالنهاية حابة اقول كلمة ,.

الارواج جميلة و اسعارها معقولة لو لقيتي احد يجيبها لك ,.
يعني اغلب الارواج بحدود 40/45 ريال 
واعتبرها بديل ( جيد ) لماركات غالية 
لكن بالعقل اشتري روج بس عشانة بديل لماك بقيمة 40 ويطلع لي الشحن 40 او اكثر 
واصلاً سعر روج ماك 90 ريال !! 

فلو بتاخذي كمية و شحن من النت وكدا انصح فية ,. ( انا اخذتة من موقعهم مع مجموعة كبيرة من الطلبات )
لو بتاخذية من تاجرة بااسعار الشحن ماانصح فية وماك افضل بمراحل طبعا 


ودمتم بود . 

3 comments on "تجربتي مع ارواج كيكو ( Kiko ) الكريمية والمات !!"
  1. يعطييك العافيه
    حبيت اللوان جمييله
    الاحمر و البينك يجننوا ان شاء الله راح اجرب هالبراند
    حبيت البوست جدا جميل

    ساره

    sarabeautyblog.blogspot.com

    ReplyDelete
  2. شكرا عالبوست والارواج فعلا جميله واختياراتك موفقه

    ReplyDelete
  3. يعطييك العاافيه ع التدويينه ..

    اخر روج مررا دخل مزااجي أحسسه خطيير ..

    و لنا زياره لموقعهم بأذن الله ..

    دمتي بخير ..

    ReplyDelete

Auto Post Signature

Auto Post  Signature