وبدأنا مشوار الالف ميل ,. اول تجهيزاتي للعيد ,. شنطة قولدن من Peau Féroce

Saturday, June 21, 2014

’,


مرحبآ ,. 

لي فترة معلقة على البوستات الجمالية والريفيوهات اكيد مليتوو صح ؟ 
بس بما انو رمضان على الابواب خلاص و بالمناسبة 
( كل سنة وانتو بصحة وسلامة حبايبي
فااكيد راح تكثر البوستات الفاشونية تجهيزاً للعيد ... وراح اشارككم كل اللوكات ,. 
يمكن تلهمكم وتستفيدون منها ,. 

عموما انا لسة حايسة و لااخذت شئ :((( 
وببالي الف شئ وشئ ابي منهم ولا لقيتهم :((( 
بس اكيد لسة باقي وقت طويل ,. 


اول شئ قررت اخذة الشنطة ... ابي شنطة فاشونية , صرعة , غريبة , ملفتة , غيرررر شكل 
اللي تبونة سموها ماعندي مشكلة هههههه
احس العيد مناسبة يبي لها شئ غريب ,. غير اعتيادي يميزك ,. 
ملينا من الكلاسيك طوال السنة ,.:(

كنت مترددة ايش اختارررر ,. اي لون ؟ اي ديزاين ؟ ومن اي براند ؟ 
وبما انها للعيد ولمناسبة وحدة و الا اثنين ماابي اصرف عليها (( مبلغ خيالي ))  ,. 
لان الصرعات لها عمر معين وتموت ,. مو زي الكلاسيك تبقى لبنات بناتك ههههههه

المهم وقع اختياري على هذي المزيونة ,. 


شنطة قولدن ميتاليك من البراند اللبناني Peau Féroce ,. 
هذا ثاني تعامل لي معاهم ,. وقد اخذت من عندهم شنطة وكتبت عنها هنا
وماشاء الله كسر البوست الدنياااا وكثير طلبوها ,. 
وبصراحة ماالومهم لان شنطهم مميزه ,. خامتها ممتازة جلد نابا طبيعي 100%
تفاصيل الشنطة مثل الحلقات كلها مطلية بالذهب ولونها مايتغيررر ابد
تقريبا الشنطة اللي اخذتها من قبل لها 6 شهور كرفتها كرف ,. جلدها ما صار لين ومهتري مثل ماهو واقف و ثاااابت
 و لا تغيرت الوان الحلقات,. 
فعلا شنطهم تعيششششش واسعارهم معقولة ,. 


المهم لما شفت النيو كولكشن تبعهم للصيف ,. على طول تجننت على الذهبية :(
حسيت انها ضاااااااالتي ,. اللي ابحث عنها :( 
هذي بعض صور الكولكشن الجديد ,. 


جدا حبيت البنية اللي تحت جمااااااال ,. 


الذهبية اللي باليسار حقتي اللي اسرتني ( قلووووووب ) لووول ,. 
انا كنت من زمان ناوية على وحدة ذهبية :( 
خصوصا ان اغلب البراندات نزلوها و كل المشاهير لبسوها ,. 
لون يعطي حياه للملابس ,. 


شايفين لو لابسة اسود بااسود و الا ابيض واسود عادي ,. اضافة الشنطة خلت الطلة غريبة وملفتة وستايلش 
المهم نرجع لشنطتي المصونة ,. 


( ملاحظين انعكاس الشمعه على لون الشنطة من فوق تراها كدا اي اضائة تجي عليها تعكسها بشكل جممممميل )
عموما هذا حجمها من الداخل ,. 
اوسع من اللي اخذتها قبل وتشيل كم غرض زيادة ,. 
بس عموما تعتبر من فئة الكروس بودي بس مو مررررا ميني ,. حجمها وسط ومعقول للزيارات ,. 
فيها جيوب داخلية بنفس خامة الجلد للبطايق و الاشياء المهمة 
اللي هي بالنسبة لي 1 لبان 1 حلاوة هولز و مكان للمفاتيح و البنسس ههههههههه 
بالنسبة لتقفيلة الشنطة حبيتتتتتتها شايفين الدائرة المدمجة داخل الشنطة 
هي عبارة عن قطع مغناطيس قوي تمسك طرفين الشنطة ببعض ,. 

طيب الخبر الحلو الاخير ,. 
ان هالبراند بنات جدة ماعاد تحتاجو تطلبوها اون لاين ,. 
صارت متوفرة بعض القطع حاليا في كريم بوتيك ستارز افينيو الدور الثاني 
مااعرف عن المدن الثانية بس هذي اخذتها من هناك ,. 

وككل المجموعة تقدرو تلاقوها اون لاين على موقعهم الرسمي
www.peauferoce.com
سعرها ,. 850 ريالز 

دمتم بود ,. 

6 comments on "وبدأنا مشوار الالف ميل ,. اول تجهيزاتي للعيد ,. شنطة قولدن من Peau Féroce"
  1. جممممممميلة الشنطه تتهني

    ReplyDelete
  2. فين مكان البوتيك بالضبط في ستارز افينيو

    ReplyDelete
    Replies
    1. في الدور الثاني عزيزتي قبال اون تايم حبيبتي

      Delete
  3. شنطهم انننننننييييييقة اول مرة اعرف ذا الماركة

    ReplyDelete

  4. متوفر لدي منتجات تجميل وعروض لمكياج فورايفر وماك 
    والمزيد في حسابي إنستغرام 
    @soooma1983

    ReplyDelete

Auto Post Signature

Auto Post  Signature