سشوار , شامبو , منتجات حماية ... بإختصار هذرة عن جمال شعرك !!

Friday, August 08, 2014

’,


مرحبآ ,. 

اليوم بخصص البوست لبعض منتجات الشعر اللي جربتها مؤخراً ,. 
ندخل بالمفيد على طول لووول ,. 



( سشوار الشعر من نزية ) 

اللي يفتكر قبل فترة كتبت اني ابي ماركة زينة للسشوار بما ان حبيب قلبي القديم خرب :( 
كان سشواري الاحمر مدري شسمة بس مرا معروف و جلس معاي سنننننننين مااحتاج غيرة ,. 
المهم من خرب وانا ادور شئ زين و طلبت ترشيحاتكم ,. 

اول شئ جربتة هو براون 5 وطلع اكبر مقلب بالحياة :((( 
كانك مشبكتة على 110 ضعيف و ياخذ وقت طويل 
ورحت على طول بدلتة ل براون 7 وطلع زي اخوة :(((( 
المهم ضيعت عليهم حول الـ 350 وهم ماينفعون بريال اللهم اللي شعورهم خفيفة ومافيها كثافة وسمك 
راح يحبونة ,. 

ورحت جربت تبع بيبي ليس وكان العن والعن من براون ,. 
وللاسف جيت ارجعة ولاقبلوة :( 
واعطيتة امي للتنشيف ينفعها غير كدا مامنة فايدة خسارة فلوسة 199 :( 

لحد مارحت نزية على ترشيحات البنات ,. 
وابي السيشوار الاحمر ُElchim وطلع منقرض ووقفوة :( 
وطلعو بدالة هالسيشوار من نفس الشركة بأسم نزية , ايطالي الصنع , علية ضمان سنتين , 2000 وات
وسعرة 400 ريالز ,. خفت اجازف فية كيف اسمة من نفس الشركة و لنزية !! ,. 
اخذتة و بصراحة ماعلية حساااافة جدااا جميل جميل قوي ويختصر الوقت ,. 
حطيتة بالصورة عشان اللي تفكر بسيشوار تروح تشترية دايركت ولاتخصر نفسها على خرابيط صينية :((



( L'oreal Ever Sleek Shampoo )

شامبو من لوريال الذهبي خالي من المكونات المضرة للشعر مثل السيليكون و البارابين وغيرها ,. 
وهذي الميزة الوحيدة اللي فية ,. وطبعا هذي الميزة غير محسوسة !!
بمعنى انتي راح تستخدمية عشان شعرك مايتضرر بالمواد الكيميائية الموجودة بالشامبوهات العادية ,. 
بس ماراح تلاحظي تحسن كبير في نوعية شعرك ,. لانه مو معالج او شئ 

( فسرت لان بعض البنات تحكم على المنتج بدرجة التحسن الملحوظ ) 

المهم كبقية المنتجات الخالية من بعض المواد الكيميائية السيئة ,. 
تكون ماترغي ,. كونها خاليه من كبريتات الصوديوم / السلفات اللي تنتج الرغاوي بالشامبو 
واللي لاحظتة انة ينشف الشعر ,. 
ولازم لي بعدة بلسم قوي الترطيب بما ان شعري اساسا جاف ,. 
بس صاحبات الشعر الدهني راح يحبوة كثيررررر ,. وكمان اللي عاملين علاجات للشعر زي الكراتين والبوتكس ...
 لانه راح يحافظ على المادة العلاجية الموجودة بالشعر لمدة اطول 
ريحتة جميلة ورايقة ,. 

سعرة 90 ريال واخذتة من اكاونت هالجميلة بالانستا 




( Tresemme Thermal Creations Heat Tamer Spray )


بخاخ الحماية الشهير ,. 
مافي بلوجر لاعربية ولا اجنبية ماجربتة وحبتة ,. 
نفس الشامبو اللي تكلمت عنة قبل نتائجة ماهي ملاحظة على المدى القريب ,. 
يعني لما تحطينة لاتحسبي من عبوة والا عبوتين راح تلاحظي نتيجة ملحوظة 
انتي تحافظي على شعرك الحالي من التدهور بسبب الحرارة ,. 

عموما منتجات تريسمي انا اثق فيها جدااا 
من شامبوهاتهم لبلاسمهم لكل منتجاتهم احترافية واسعارها جدا معقولة 

الجميل فية انة مثل المويا ,. بعد مااتروش ابخبخ شعري فية اذا بسشور او بفير شعري ,. 
افكفكة وابخ من جوا الشعر واقلب راسي وابخبخ من تحت المهم يتوزع على كامل الشعر 
واخلية ينشف ولاكان الشعر حطيت فية شئ نهائيا 
ولا ياثر بمنظر الشعر بعد السشوار ولا يدهن او اي اي اي شئ ,. 
جميل وحتى ريحتة جمييييلة ,. 

اخذتة من نفس الحساب السابق ,. 

عندهم بـ 75 ريال واتوقع موجود بالصيدليات حاليا 





( L'oreal Elnett Satin Spray )

بما ان الحبايب كلهم اجتمعو قلت اصور هالمحروس لووول ,. 
هذا عاد مايحتاج شرح ,. افضل سبراي موجود بالحياة ,. وكل اخصائيين الشعر يستخدمونة بشكل اساسي 
خفيف ولا يخلي الشعر يابس و يحافظ على النتيجة 
تلاقوة بكل الصيدليات 
هالحجم لازم يكون عندي ب 17 ريال عشان لو احتجت اشيلة معاي
و فية احجام اكبر بحدود 30 ريال عملية جداااا 


وخلص البوست كدا ,. لنا لقاء قريب ... 
دمتم بود !

4 comments on "سشوار , شامبو , منتجات حماية ... بإختصار هذرة عن جمال شعرك !!"
  1. حبيت البوست يعطيك العافيه ❤

    ReplyDelete
  2. يعطيك العافيه عالبوست
    راح اجرب بخاخ تراسيمي
    بيبيليس وبراون استشوارتهم تاقهه زي ماقلتي للي شعره خفيف يناسيه

    ReplyDelete
  3. جميل ان شاء الله راح اجرب الشامبو ..

    ReplyDelete
  4. شكككرررا مره على البوست
    انا ماجربت استشوار بيبي ليس بس جربت السراميك او ملمس الشعر جدا ممتاز واكثر من رائع ووقتها اخذته 350 ريال بس كان الافضل عندي
    عموما شكررا مررره

    ReplyDelete

Auto Post Signature

Auto Post  Signature