رائي وتجربتي مع اجدد منتجات فيتامين إي من ذا بودي شوب

Tuesday, August 19, 2014



’,


مرحبآ ,. 

بوست اليوم عن منتجات لها شهرين تقريبا عندي ,. 
هي تكملة لمجموعة فيتامين E اللي جربتها من قبل 
كتبت عن الكريم المنظف و التونر و الكريم المرطب زمان ,. 

و اليوم بكتب عن 3 منتجات إضافية وجديدة من نفس المجموعة نزلوها ذا بودي شوب في صيف 2014 ,. 










 1- THE BODY SHOP VITAMIN E CREAM CLEANSER


نبدأ بالمنظف ,. 
هو منظف كريمي تستخدمينة مرتين يوميا على قطنة و تمسحي فيه كامل الوجه
انا احيان انزل فيه الميكأب الخفيف ( بودرة و ماسكرا عادية بس الوتربروف برودكتس و الفونديشن طبعا صعب علية )
احسة مناسب بالدرجة الاولى لصاحبات البشرة الجااااافة لانه ينظف وبنفس الوقت يرطب 
اما الدهنية او المختلطة مااظن بيحبونة ابد P:

اشوف انة خفييييف للغاية كمنظف و اقرب لكونة كريم مرطب من منظف
 عشان كدا غالبا استخدم بعدة منظف رغوي , الكريمي مو دايم يحسسني بالانتعاش ,. 
مع ان بشرة وجهي جافة شوي والمفروض ارتاح على الكريمي اكثر 
بس مو هذا اللي صاير احب احس بالمويا على وجهي وانا انظف ,.  

العبوة 200 مل واشوف حجمة رهيب مقارنة بالسعر اللي هو 49 ريال 
لان بالعادة المنظفات من ماركات معروفة نص الحجم بنفس السعر او اكثر 





 2- THE BODY SHOP VITAMIN E equa boost sorbet 


السوربيه 3>3>
جماااال جمااااال جدا حبيتة ,.
اول شئ لازم تفهمون ايش معنى سوربيه و ايش يفرق عن الكريم العادي ؟
هذا الكريم عبارة عن كريات ميكروسكوبية صغيرة من الماء النقي
يعني يستخدمون تقنية تحفظ الماء على شكل كريات صغيرة جدا جدااا لحد مايتكون الكريم 
في موقع بوودي شوب كاتبين كل عبوة تحتوي على 2 مليون من هالكريات تخيلووو

بااختصار هو عبارة عن ماء بشكل كريم تقدمينة لبشرتك 
بالإضافة للمعادن والزيوت المعذية للبشرة
يعني يزود بشرتك بكمية كبيرة من الماء والترطيب اللي يختلف تماما عن الترطيب بالكريمات 
هو نزلوة بالصيف مع كريمات للجسم بنفس الفكرة والتقنية 
واخذت واحد وراح اتكلم عنوة ببوست تاني 




كثير اجانب بيستخدموة كبرايمر ماقبل المكياج
عن نفسي ماارتحت لهالفكرة !!
ليشششش ؟
لان هنا احد اهم اهم اهم عيوبة ...
هذا الكريم لايفرك
شايفين كيف قوامة غريب ! 
هذا تمسحي فية بشرتك تمسيحححح خفيف كانك تحطي ماسك 
لان لو فركتية على البشرة بيتكتل وتطلع قشور على سطح البشرة
وهالشئ مزعج للغاية فما بالكم قبل المكياج ومد الفونديشن !!!!

عن نفسي كان استخدامي له بشكل اساسي في شهر رمضان 
انا اخزنة بالتلاجة ,. فكنت لما ارجع من الدوام 
اطلعه وبعد ماانظف وجهي من المكياج احط طبقة منة تكون باااااااااردة ومنعشة
 واناااااام ولما اصحى اغسل وجهي منة تماما 
حاليا استخدمة قبل النوم واغسلة الصباح وهكذا 
بس مااقدر استخدمة قبل المكياج مستحيييييل :(

على كل حال الكريم يبرد البشرة و ينعمها ويغذيها ,. وصراحة يستاهل التجربة 
مااتذكر سعرة زي ماقلت لكم من قبل رمضان عندي ,. 









 3- THE BODY SHOP VITAMIN E facial oil 


سيريوم او زيت الوجه ,. 
هو عبارة عن زيت مركز من فيتامين إي للبشرة 
المفترض يوضع بالليل وتنامي فية ,. 

عبارة عن زيت فيتامين اي + زيت عباد الشمس + زيت الصبار + زيت السمسم + زيت الصويا 
الزيوت كلها من اشهر الزيوت بالترطيب العمممميق للبشرة 
عشان كدا لو بشرتك دهنية اخر شئ تفكرين تضيعين علية فلوسك هو هالمنتج 
لانك راح تنخنقين من الزيوت لووول 
بس لو بشرتك جافة حتحبينة ,. 
بس اللي بشراتهم عادية او مهتمين بترطيبها زين راح يحسون بمضايقة 
وهذا اللي حسيت فية صراحة ,. 
مااقدر انام وهو على وجهي نهائيا مع اني من الناس اللي تتدهن وتنام عاااااادي
بس هذا حسيتة ثقيل علي مرررررا ,. 

فاللي صار ماحبيت ارمية لانه يعتبر كنز من الزيوت المرطبة ,. 
صرت اخلية لجسات البديكير ومتى مابغيت اغذي اظافري بالليل افركهم فية 
و كمان اذا جفت بشرتي مررررا احط كم نقطة منة مع كريم مرطب 
بس لحالة اختنق صراحة وماارتاح 


طريقتة مثل ماقلت قبل كم نقطة بسسسسسيطة منة تحطينها بكف يدك وتحمينها شوي بالفرك بين يدينك
بعدها توزعينها على بشرتك مع مسسساج بشكل دائري للبشرة والرقبة 




وبس كدا خلص الريفيو ,. 
الاسعار زي ماقلت لها فترة عندي وللاسف مو متذكرة حالياً 
اي سؤال او استفسار تدللو ,. 

دمتم بود ,. 



2 comments on "رائي وتجربتي مع اجدد منتجات فيتامين إي من ذا بودي شوب "

Auto Post Signature

Auto Post  Signature