Top Ten Beauty Favourites .. October 2014

Monday, November 03, 2014

’,




مرحبآ ,. 


لي فترة ماعملت مفضلات لشهر معين ,. 
لاني من الناس الروتينية اذا علقت بروتين ريحني مااغيرة ابدااا الا بسبب مشكلة او انقطاع المنتج
بس عموما الاشياء اللي ابدل واغيير فيها الصوابين والشاور جل و كدااا ,. 
وبعض اغراض الميك اب ,. 

عموما هالشهر طرا لي اعمل مفضلات ولو حبيتو الفكرة راح التزم اعمل كل شهر ,.
تقريبا هذي الاغراض استعملتها بشكل شبة يومي خلال هالشهر بغض النظر عن برنامجي الروتيني المعتاد ,. 


 ١- كريم شاور من باث اند بودي وركس ,. من مجموعة  Dark Kiss
ريحتة جميلة جداااا سوووويت كل مااستخدمة احس ريحة الحمام كاندي ستور  
غير كدا لانة كريم شاور مو شاور جل فهو يرطب وماينشف البشرة جدا مثل الجل 
ب ٦٠ ريال 

٢- صابون اليدين من مجموعة Paris Amour هالمجموعة ساحرتتتتتني بريحتها الجميلة 
عندي منها معقمات و فواحات وكل كل تفاصيلها مررررا احب ريحته 
والصابون موس يعني يطلع رغوة مو صابون سائل فجدا انبسط علية 
اظن ب ٤٥ ريال 

 ٣- شموع هالشهر ,. 

Paris Daydream هالشمعه جميلة وريحتها رايقة بس شوي جاية على ليمون 
فمااستلطفها بالليل احس تفوقني مو تريحني 
فمناسبة لتعطير الغرف بالصباح تنعش جداااا 
ب ٤٥ ريال 

للمعلومية ... شموعهم الصغار بفتلة وحدة ماتطلع ريحة واضحة مثل اللي بثلاث فتلات 

Aloha Waikiki ريحتها جميلة مررررا مرررا ورود بريحة بحر عجيببببة
مستوحاة من شاطي بجزر الهاواي اسمة الوها واكيكي ههههه تحفة 
ريحتها تووووووضح وتعطر الغرفة من قلب
ب ٩٠ ريال 







٤- مرطب الشعر هذا من بيرت بلس عشق جداااا احبة 
مع انة مو معالج بس ترطيبة بسيط وجميل ومناسب لشعري جداااا 
لايخلية مدهن و لا اللي تحطينة وماكأنك حطيتي شئ !! 
يعني احطة على شعري يهجد نفشتة لو ماابي اسشور ويبان طبيعي ماكاني حاطة شئ
انا احطة وشعري مبلول بعد الشور على طول 
جربت كل انواعة وكلهم نفس الريحة و الترطيب كاانهم من عبوة وحدة اصلا مايفرقون شئ 
فما يفرق الحنا عن البيض عن اللوز كلهم سوا ب ١٥ اظن من اي صيدلية 


٥- هالشهر والشهر اللي قبلو كثيرررر استخدمت هالسوربيه من بودي شوب 
هو كريم للجسم بس بتقنية مختلفة عن الكريمات المعتادة 
بيحتوي على كمية كبيرة من الماء فيصير ككريم اخف بس ترطيبة منعشششش ويبرد على البشره
مع اني بالعادة مو صحبة مع ريحة المانجو بس هالمرة حبيتهاااا جدااا 
مناسب للصيف اكتر شيء 
وتكلمت عن النوع المخصص منه للبشرة بس بنفس التقنية تقدرو تاخذو فكرة عنة من ( هنا )
ب ٦٠ اظن 


٦- مقشر الخوخ من بودي شوب 
هو تقريبا اقسى مقشر عندهم من ناحية وضوح الحبيبات المقشرة
باقي الانواع تكون ناعمة جدااااا لدرجة ماتحسي انة بيقشر شئ 
واحيان الواحد يبي يحس إنة يقشررر ويفرررك فهالنوع جمممميل يقشر بس مو قوي يجرح بشرتك 
وريحتة خوخ وفواكه جمممميل جدااا 
سعرة بالخمسين اظن 


٧- ايلاينر بودي شوب الجديد ٢ في ١ 
فكرتة انه ايلاينر وجل حواجب بنفس الوقت !!
وماادري كيف جاتهم هالفكرة الخنفشارية !!!! 
الايلانر اغلبنا نبية اسود و طبعا مستحيل وحدة بكامل قواها العقلية ترسم حواجبها بقلم اسود 
الحواجب السود تعطي لوك قاسسسسي و سيئ جدااا و غير طبيعي



وحتى لو اخترنا درجة البني ماراح نرسم فية ايلاينر لان حلاتة بالاسود 
فحدة ايلاينر وانسو فقرة الحواجب نهائيااااا 
استخدمتة كثيررررر هالشهر يوميا و للمناسبات جميييل خصوصا بالبداية كانت لزوجتة فضضضضيعه 
بعدين ككل الجل لاينرز بدأ ينشششف 
الجميل فية انه عملي منة وفية فرشتة وحجمة صغير 
اظن انة ب ٦٠ ريال



٨- اكثر كريم يدين عشقت ريحتة هو هالمزيون من سوب اند جلوري 
ترطيبة متوسط مايناسب اليدين شديدة الجفاف 
معطر و عطرة ياخذ العقل انثوي جداااااا 
اثر الترطيب مايدوم كثير بس مااعندي مشكلة ارجع احط واحط منة عشان ريحتة اللذيذة 

٩- المقشر هو للجسم بس بما ان حجمة صغير خصصتة لليدين 
ريحتة نفس الكريم جمممممميلة
وفية زبدة شيا ومرطبات روعه مع سكر 

تلاقونهم بصيدلية بوتس وغالبا عليهم عرض ٢ وواحد مجانا 
الكريم ب ٦٠ ، المقشر ٣٠ ريال 


١٠- اخر شئ شوزي الجميل 
فعلا هالشوز راااااااااحة دايم اتعب مع الشوزات لاني اعاني من رجلي عريضة 
فجوانب اي شوز او حتى فلات تضايقني مررررا 
الا ماندر > ـ < 
بس هذا اتحرك فية بحرية وراحة و كتبت عنة من قبل ( هنا


وبس خلصنا المفضلات لو تبو لكل شهر خبروني 
واتمنى مااكون طولت بالبوست 

دمتم بود 

Post Comment
Post a Comment

Auto Post Signature

Auto Post  Signature