لا تشطحي بأحلامك .. تجربتي مع البوتكس للشعر بالتفاصيل !!

Sunday, December 14, 2014



’,


مرحبآ ,. 


اليوم بحكيكم عن تجربتي مع البوتكس للشعر بالتفاصيل واستحملو طول الموضوع  ,. 

زي ماحكيتكم على الانستا عملتو من شهر تقريباً في صالون اوريانا بجدة ,. فرع لو شاتو مول بالتحلية ... 

كنت مترددة من فترة جدا طويلة وانا تقريباً من اخر الناس اللي عملو هالعلاجات ههههه
بس بالنسبة لي شعري صعب اغامر فية بعلاجات ماهي مضمونة 
كنت اسمع عن علاجات الكيرياتين و البوتكس والبروتين و الامازون واسماء كثير طلعت واختفت 
وانا لسسسسسسسسه مترددة ومتخوفة :( 
خصوصاً ان البعض اعترف انها تسبب التساقط و القشرة وصراحة نعومتة اليومية ماهي مهمة عندي 
كثر ماهو مهم انه لما اسشورة وازبطة يطلع جمممميل وكثيف ويلمع 
فما كنت ابي اغامر بشئ يعدم شعري اكثر مما يصلحة .. 




 مبدئياً خلوني اخبركم عن طبيعة شعري : عشان تعرفون ليش قررت هالعلاج بالذات ...
شعري كثيف و غزير جدا خلال مرحلة مراهقتي ,. 
مااقلكم ناعم ,. لااا شعري من النوع الغجري المموج 
مثل هالمودل بالزبط بالزببببببببط :( ,. شعرتة ملمومة على بعض لاتقصف ولا نفشة بس بطبيعتة مموج خفيف 
بس مع الصبغات المتكررة بشكل كبير 
تقريبا كنت اصبغ 4 مرات بالسنة والوان مختلفة من الفاتح للغامق والعكس :(
و ماكانت نفسي تطاوعني اطلع بدون سشوار نهائياً حتى باايام المدرسة :(((
المهم كل هالاشياء مع التغذية السيئة والريجيم القاسي وووو سببت بااختلاف طبيعة شعري 
كان جاف وقاسي بمرحلة ما ,. ماقبل 6/5 سنوات
بعدها استقريت على الصبغات الغامقة و الطبيعية و اهتميت فية كثير واهتميت بااكلي بشكل ملحوظ
عمومااا شعري تحسن بس مارجع لاايام طفولتي :(



وصار هش ونافش اهون من ذي بشوي :( 
لما اسشورة يطلع جميل جدا بس بدون سشوار حوسة 
فقررت اعمل علاج يرجعة لطبيعتة الاولى مو يعطيني شعر سترررريت وناعم لاني مااحب هاللوك ابدااا 

المهم قررت وعزمت وحجزت ب أوريانا ,. لانة يعتبر من افخم صوالين جدة وافضلها فوثقت فيهم ,. 
ورحت اول مرة بس كشفت على شعري واعطتني الخيارات المتاحة لي :
من ضمنها الامازون او البوتكس وفهمتني الفرق بينهم 
البوتكس يعالج اكثر مما انة يفرد 
الامازون يفرد اكثر من كونة معالج 

فااخترت البوتكس وحجزت عندهم يوم يكون صباح عشان هالعلاج يحتاج وقت ,.
عموماً قبل مااعملة طلبت منكم تكتبون كل اسئلتكم بالانستا عشان اخلي الخبيرة تجاوبكم عليها ...



وبما انها طلعت الاسئلة كثيررررة صورتها فيديو اريح لي ولكم هههههه
كانت متعاونة جدااا ورضيت اصورها واعطتني كل اللي عندها صراحة ,, 


رحت ع الموعد وبدأنا بالخطوة الاولى :
غسل الشعر بشامبو خاص 
لتنظيف الفروة والشعر من اي زيوت او شوائب علية ...


الخطوة الثانية : 
جابت العلاج وحطتة على شعري خصلة خصلة ., هو كانة بلسم او ماسك للشعر نفس القوام 
مالة ريحة منفرة او خانقة نهائيا ولايطلع اي ابخرة او اي شئ 
كانة كريم عااااااادي 
المهم حطتة وجلست تمشط الشعر بنفس فرشة الصبغة دي وبس لفتة لي وجلست فية ساعه تقريباً
حسيت بشوووية حرارة بسيطة بفروة الشعر 
اظن لان المنتج سال ووصل الفروة والا هو مايتطبق الا ع الشعر فقط 
بعد الساعه غسلتة لي 

الخطوة الثالثة :
حطت لي بعدها مثل الكريم او السيريوم على الشعر تقلي تغذية اضافية 
و غسلتة بعد ربع ساعه تقريباً 


الخطوة الرابعة :
بعدها نشفو الشعر و سشوروة و عملو لي بالستريتنر كامل شعري على درجة حرارة 400 ومافوق
صار بالزبط كدااا طبعا بفعل الستريتنر 
وقالت لي 3 ايام لاتغسلي شعرك وبعدها تعالي نغسلة لك ونعطيك الشامبو والبلسم الخاص بالمعالجة 
للامانة ماقدرت بعد 3 ايام اروح لهم لشوية ظروف 
فغسلتة بالبيت بنفسي لانة بعد يومين صار جدا جداااااا مدهن ومزيت ماقدرت اجلس لليوم الثالث اصلا ,. 
ومارحت اخذت الشامبو 


مابعد جلسة المعالجة :


بعد اول غسلة : 
غسلتة بشامبو خالي من المواد الكيميائية الضارة ,. ( شامبو من لوريال )
اللي صار هو ان الشعر طلع ريحة سيئة منفرة للغااااااااااية 
لدرجة فتحت باب الحمام و جلست انادي اختي تشم شعري :(
فقالت لي اي واضحة جدا الريحة ., حاولت اغسلة مرتين وثلاث مرات بالشامبو 
والريحة زي ماااااااااهي 
طلعت و حطيت لة كريمات مرطبة وفيها ريحة جميلة ,. مانفع 
حطيت مخمرية وعودة بالشعر ,. مانفع 
بخرررررت شعري ,. برضو مانفع ! :(
كنت جدااااا مستائه من الريحة 
اما ملمس الشعر ونعومتة ورطوبته كانت تهديني شوي وتخفف عني
طبعا الشعر ماجلس مثل اللي بالستريتنر ورجع لنفس شعري اول بس بااخف نكشة و لمعه ملاحظة ورطوبة اكثر ...

بعد الغسلة الثانية : 
الشعر خفت ريحتة السيئة بشكل بسيييييييط بس من جد الريحة خاااانقة للغاية و سيئة وتكتم 
اللمعان والرطوبة موجودين 

بعد الغسلة الخامسة :

الشعر اختفت ريحتة تماماً و صار طبيعي جدا 
بس اللي لاحظتة انة طلعت لي قشرة بااحجام كبيرة و كان وقتها عندي عرس 
وتخيلو مالاحظتها الا بالعرس احاول اخفيها واشيلها تطلع ثاني :(
وتطيح ع الفستان كنت جدا متفشلة :(

بعد الغسلة العاشرة :
اختفت القشرة تماماً بس صارت فروة راسي ازيت من قبل 
يعني زمان مثلاً ممكن اجلس بدون مااغسل شعري اسبوع مثلاااا مايبان علي لان شعري وفروتة طبيعتهم جاااافة 
عبال مايزيتون يبيلهم وقت طويل ,. الان اليوم الثالث يصير شكلي سيئ ولازم يتغسل 

بعد العلاج بشهر : 
الشعر حسيت زاد تساقطة بنسبة بسيطة شوي بس كم شعرة زايدة عن تساقطي القديم 
المهم لا قشرة لا ريحة سيئة و لاشئ غريب 
الرطوبة موجودة و الشعرة ملمسها جميل جدا و اسهل بالسشوار و التسريح 
مثلا لو ربطتة اول مااستحميت و حطيت منشفة الرأس وفتحتة بعد فترة الشعرة تكون هادية وطبيعية و بدون مااعمل شئ
كانها مسشورة و شكلها مايفشل و بدون نفشة
قلت اللمعه القوية اللي ببداية العلاج ,. صار لمعتة طبيعية مو شااااااايني مرا ولا باهت 
كمان حسيت شعري فتح درجة تقريبا و هالدرجة خلتة مايل للبني المحمر ماادري ليش !! 


رائي فية : 

اشوف انة خطوة جميلة للشعر و يعيد بناء الشعرة ويرطبها بعمق 
نتيجتة لاتبالغون فيها بشكل كبير هي ملحوظة للشخص نفسة 
يعني انتي راح تلاحظين ملمس شعرك اجمل و ياخذ منك وقت اقل بالتسريح ( ماراح تستغنين عن السشوار )
بس غيرك بيلاحظ اول كم اسبوع انة فيه لمعه بشعرك و بس غير كدا مااحد حيلاحظ انك عملتي شئ اساساً 
النعومة تقريباً فرقت 15% ... الترطيب و النفشة فرق 30%
لو كنتي عروس وتبين شئ يريحك من السشوار ترا احب اقلك ماراح يقدم لك الكثير ,.
كمان لازم تعملية بفترة قبل العرس عشان تضمنين انك ماراح تنحرجي قدام زوجك بالريحة او القشرة 
وحتى لو كنتي موظفة ياريت تعملية ببداية الويك اند او بموسم اجازات عشان تروح 3 غسلات ويخف ريحة الشعر 
( هذا اذا ماكانت حالة خاصة فيني بس !! ) 
عموما الريحة اتوقع طلعت بسبب حرارة الستريتنر العالية جدااااا مما سبب حرق للشعر 
لان الريحة كانها ريحة شئ محروق وجاء علية مويا !!!
لو تقدرو تتفادو هالخطوة يكون افضل ,. مااشوف من الستريتنر اي فائدة !!
تقلي عشان يقفل مسام الشعرة بعد السشوار لان السشوار يفتح المسام !
صراحة مااقتنعت لان معروف ان الحرارة هي اللي تفتح وتوسع اي مسام 
و البرودة هي اللي تقفل وتكمش !!
فااظن ان الستريتنر لمجرد انك تشوفين نتيجة مبهرة فورية ( يعني عامل نفسي ) 
سعرة غالي يعتبر وحسب طول شعرك ونتيجتة بسيطة ف لو شعرك اساسا كويس بس تحتاجي شئ بسيط
اهتمي جلسات العناية واكلك والماسكات بتلاقي نتيجة
اما لو هدفك الاساسي النعومة اتجهي للمنتجات اللي فيها نسبة فرد مثل الامازون .,
حطي ميزانية له بحدود 1500 ريال اذا شعرك قصير و 3000 ريال اذا كان شعرك الى نصف ظهرك مثلي 
لو حابين تستفسرو عن اي شئ انا بالخدمة 


ودمتم بود ,. 

20 comments on "لا تشطحي بأحلامك .. تجربتي مع البوتكس للشعر بالتفاصيل !! "
  1. مساء الخير
    بوست رائع تسلميلي يارب كنت ناويه اعمله بس طلع نفس تاثير الكراتين عملته قبل تقريبا سنتين وفعلا اول اسبوع النتيجه روعه وطلع لي شكل شعري بيرفكت مو استريت صح بس راحت النكشه نهائيا وطالع غجري مرتب وريحنی من الاستشوار فتره ولاكن ما استمر اكثر من شهرين رغم اني كثير مهتمه شعري من عادي لدهني صرت لازم اغسله بعد يومين التساقط زاد وسنه اعالج فيه ويادوب خف القشره لحد اليوم اعاني منها حسيت الاختلاف ان الكراتين كانت ريحته شوكولاه منعشه وبس

    ReplyDelete
  2. الله يسعدك كذا الريفيو ولا بلاش كل شي كتبتيه وبالتفصيل

    ReplyDelete
  3. This comment has been removed by the author.

    ReplyDelete
  4. انا لسه امس غسلت شعري منو .. و فعلا ريحتوو سيئة بس اظن اقل سوء من وصفك يعني اكيد طبيعة شعري غير عنك .. و كمان زيك ماقدرت اتحمل 3 ايام بالزبط يوم و 20 ساعة و اتحممت 💔😱 لانو سار مزيت و مقرف

    انا تقريبا كمان قصتي زيك ، شعري كيرلي جميل من انا صغيرة بس ينفش احياناً و غزيير كل ما اكبر شوية تخف الغزارة ، قبل 5 شهور وصلت لاقصى درجات السوء في شعري و سار يطيح خصل خصل في البانيو و كنت اكره استحمى لانو شعري غالي عليا مرة 💔😁
    و سار نافش مرة وما يتمشط و حالتوووو حالة ..و بصراحة جربت كم زيت خلطات و شامبوهات و مرة خف التساقط بشكل كبيييير لكن النفشة و ملمس شعري مازال سيئ ..
    مع اني ماعمري صبغت شعري لانو اصلا فاتح ، بس منجد كان سيئ جدا
    وقررت اعمل بوتوكس و برضو زيك ماحبيت منظر السترايت هيييير عشان كدا فضلتوّ عن الامازون لانو الفرد اقل
    و امس لما استحميت مع كتر مو متحمسة للنتيجة هههههه حتى ما نضفت الشامبو كويس،و نطيت عالغرفة انشف شعري 😁 عشان اشوف كيف سار
    و الحمدلله نتيجة جدا مرضية
    مافي نفشة و كأنو مسشور بس تاني يوم سشوار يعني فيه ڤوليوم مو سايح و الكيرلز كبيرة و واسعة
    و حسيت لونو سار افتح مع انو قالت الكوافيرة بس يتغير لون الشعر المصبوغ :/

    و انصح البنات فيه بس اذا شعرك حلو و كويس وصحي و راضية فيه تماما لا تسوي .. يعني لاتغامري
    بس انا و بنات خالاتي 5 كلنا عملنا قبل يومين و كل وحدة شعرها غير و ماشاءالله كلنا جميل علينا❤❤

    ReplyDelete
  5. انا سويته تقريبا من اسبوعين الخطوات كانت تختلف شوي غسلته اول شي بشامبو خاص عشان تنظف الشعرة نفسها من اي مواد عالقة بالشعر حتى لو ما استخدمته مواد فرد بعدها قسمت شعري و بدأت توزع المادة و تركتها ساعة الا ربع بعدها جابت السشوار و نشفته صراحة كانت الأبخرة خانقة و ما كانت محتملة أبدا حتى مسكت منديل و بللته بموية عشان اعرف أتنفس و حسّيت بحرقة بعيوني و صارت تدمع بشكل غريب بس اللي لاحظته ان ما حد تأثر بهالشي غيري انا يمكن عندي حساسية زيادة تجاه هالمواد طبعا بعد التنشيف نشفته بنسبة 80% جابت الستريتنر بس ما كانت حرارته عالية بس 200 و بدأت خصلة خصلة لحد ما انتهينا و بس خلصنا نفس الشي قالتلي خليه ثلاث ايام و تجي عشان اغسلك اياه طبعا منظره كان طبيعي مو مبين انه مزيت او شي بس ملمسه دبق و مزعج طبعا خلال هالثلاث ايام كل يوم اروح عندها تعيد عليه بالستريتنر اخر النهار عشان تسحب منه الرطوبة صبرت و ما حممته لحد ما جاء اخر يوم رحت عندها من الصباح عشان تغسله صراحة النتيجة كانت مبهرة سيشوار شعري كان يأخذ بدون مبالغة ساعة و ربع و بعد العلاج صار يأخذ بس دقيقتين طبعا بعد ثالث حمام بانت معي القشرة و زي ما قلتي احجام كبيرة بس قاعدة تخف شوي شوي اهم شي ما تحريها و تخلي فروة رأسك تعالج نفسها بنفسها غالبا القشرة ناتجة عن وصول المادة للفروة مما أدى لتأذيها زي الجرح أولها يكون طبقة و مع الترطيب و الفرك يبدأ يتفتت نفس الشي مع فروة الرأس

    ReplyDelete
  6. اهنيك ع شرحك الحلو والبسيط شامل وكامل ماشاء الله كنت افكر اسويه بس اكيد ماراح اقط مبلغ ٣٠٠٠ ع نتيجه مو مررره واو انا جربت قبل الكيراتين كان شعري قصير دفعت١٥٠٠ مع البلسم والشامبو٥٠٠ وكان جدا ممتاز لاتساقط شعري ولا شي وبعد ماغسلته كانت نعومته حلوه تحسين انه صحي ويلمع ولا تساقط شعري الحمدلله وحاليا افكر بمعالج بس ماقررت وش راح اجرب . ارجع اكرر شكري لك ولمجهودك ولشرحك الرااااائع

    ReplyDelete
  7. اهنيك ع شرحك الحلو والبسيط شامل وكامل ماشاء الله كنت افكر اسويه بس اكيد ماراح اقط مبلغ ٣٠٠٠ ع نتيجه مو مررره واو انا جربت قبل الكيراتين كان شعري قصير دفعت١٥٠٠ مع البلسم والشامبو٥٠٠ وكان جدا ممتاز لاتساقط شعري ولا شي وبعد ماغسلته كانت نعومته حلوه تحسين انه صحي ويلمع ولا تساقط شعري الحمدلله وحاليا افكر بمعالج بس ماقررت وش راح اجرب . ارجع اكرر شكري لك ولمجهودك ولشرحك الرااااائع

    ReplyDelete
  8. اخخخ ياقلبي انا قعدت اطول فشعري من رقبتي لين نص ضهري وعتني فيه ..... مساجات حمامات كريم وحبوب فيتامينات ماخليت شي ما سويته .... بس ذبحني كل ما اعتني اكثر يزيد شعري ويصير قنبله "شعري كثير بمعنى الكلمه مشاءالله" طبيعه شعري انه ثقيل كثير مموج والشعره يابسه لان امي كانت تحلق شعري وانا صغيره صفر لين قريب المدرسه المهم قررت اسوي بروتين فصالون ربعي مدحوه وسوو فيه بس ما ضبط معاي البروتين وحين شعري احترق كامل وراح تعب السنه كله

    ReplyDelete
  9. اخخخ ياقلبي انا قعدت اطول فشعري من رقبتي لين نص ضهري وعتني فيه ..... مساجات حمامات كريم وحبوب فيتامينات ماخليت شي ما سويته .... بس ذبحني كل ما اعتني اكثر يزيد شعري ويصير قنبله "شعري كثير بمعنى الكلمه مشاءالله" طبيعه شعري انه ثقيل كثير مموج والشعره يابسه لان امي كانت تحلق شعري وانا صغيره صفر لين قريب المدرسه المهم قررت اسوي بروتين فصالون ربعي مدحوه وسوو فيه بس ما ضبط معاي البروتين وحين شعري احترق كامل وراح تعب السنه كله

    ReplyDelete
  10. شكرا على التفاصيل الدقيقة والمفيدة
    شجعتيني كثير اسويه
    بس تعليقا على الستريتر والحرارة ... هذي خطوة ضرورية جدا في كل هالمعالجات لأن مادة الفرد عشان تطلع مفعولها لابد من الحرارةالعالية عشان كذا يستخدمون الستريتر

    اكرر شكري لك..تحياتي

    ReplyDelete
  11. اخصائيه بروتين للاستفسار 0534377562
    وأسعار تعجبكم

    ReplyDelete
  12. اخصائيه بروتين للاستفسار 0534377562
    وأسعار تعجبكم

    ReplyDelete
  13. شكراً جزيلاً
    واسمح لي أن اقترح أيضاً على القراء هذا المقال الرائع للدكتور محمد لمجرد حول الطرق الطبية لعلاج قشرة الشعر
    http://www.makaynbass.com/2014/08/pellicule-cheveux.html

    ReplyDelete
  14. تتشرف شركة المثالي جروب للنظافة الشاملة بالمنطقة الشرقية بتقدم شركة تنظيف منازل بالخبر والتي تقدم افضل خدمات تنظيف المنازل والشقق والفلل والمجالس والكنب والسجاد والموكيت بالاعتماد عليافضل الامكانيات الحديثة والعمالة الماهرة وخبرة عشرات السنوات بمجالات التنظيف لجميع اركان المنزل وكل مع يحيط به فمع شركة تنظيف بالخبر تستطيعون الحصول علي افضل جودة ممكنة لتنظيف المنازل بارخص الاسعار المثالية

    شركة تنظيف منازل بالخبر
    شركة تنظيف بالخبر

    ReplyDelete

  15. تقدم شركة المثالي جروب للنظافة العامة احدي خدماتها المتميزة بمحافظة القطيف والتي يبحث عنها الكثير من اهالي محافظة القطيف الا وهي شركة تنظيف منازل بالقطيف والتي تقدم خدمات تنظيف المنازل - تنظيفالشقق - تنظيف الفلل -تنظيف المجالس - تنظيف البيوت - تنظيف الخزانات -تنظيف المسابح والتي من خلاللها تستطيع شركة المثالي جروب لخدمات التنظيف تقديم افضل خدمات النظافة العامة بمحافظة القطيف بالاعتماد علي كافة الاسليب الحديثة والعمالة الماهرة فمع شركة تنظيف منازل بالقطيف انتم دائما في امان فلدينا

    شركة تنظيف منازل بالقطيف
    شركة تنظيف بالقطيف
    شركة تنظيف مجالس بالقطيف
    شركة تنظيف شقق بالقطيف
    شركة تنظيف فلل بالقطيف

    ReplyDelete
  16. شركة المثالية للتنظيف بالاحساء تقدم لعملائها اليوم افضل خدمات التنظيف المثالية لجميع اركان المنزل حيث تعد عملائها بنظافة شاملة للمنازل والشقق والفلل والمجالس والبيوت والكنب والسجاد والموكيت باغلي جودة ممكنة وبارخص الاسعار المثالية التي لا تتوفر الا مع شركة المثالية للتنظيف بالاحساء , حيث تستطيع شركة المثالية للتنظيف بالاحساء تقديم خدمات التنظيف بالاحساء والمنطقة الشرقية بالاعتماد علي افضل واحدث الاساليب الحديثة والمتطورة من حيث الادوات والمعدات والاجهزة بالاضافة الي الاستعانة في خدمات التنظيف بالاحساء بفريق عمالة متميز مجهز علي اعلي مستوى بالكوادر والخبرات الفنية البشرية المؤهلة تأهيلا تاما الي تنفيذ خدمات ليس لها مثيل , فمع شركة المثالية للتنظيف بالاحساء تستطيعون الاعتماد عليها في نظافة منازلكم وبكل ثقة فتمتلك المثالية للتنظيف بالاحساء خبرة 24 عاما في مجالات التنظيف ومن خلالها تضمن لجميع عملائها في الاحساء وخارج الاحساء الجودة والدقة المثالية للنظافة والتي يبحث عنها , فعندما تريد الحصول علي خدمات التنظيف للمنازل والمطابخ والحمامات بكامل اركانها وكذلك المفروشات والارضيات ما عليكم الا الاتصال برقم شركة المثالية للتنظيف بالاحساء التي تعد افضل شركة تنظيف بالاحساء وتعدكم دائما بالافضل والارقي لمنازلكم

    ReplyDelete
  17. مشاركة رائعة حقا تمت مشاركتها. هناك عدد من العلاجات زراعة الشعر المتاحة في السوق. ولكن هنا هو الحل المثالي لزراعة الشعر لسقوط الشعر. فيسيت
    زراعة شعر

    لمزيد من التفاصيل.

    ReplyDelete

Auto Post Signature

Auto Post  Signature