يوم لتدليل بشرتي وشعري بالكافيار و النانو !

Wednesday, February 25, 2015

’, 


مرحبآ 

بتكلم لكم اليوم عن زيارتي لمركز العناية بالبشرة والشعر ... 
ادري اني كتبت عنة بالخطوات في الانستا ,. بس برجع اكتب هنا لان المدونة ارتب 
وتقدرو تطلعو المعلومات بشكل افضل واسرع مو تضيع الصور وسط يومياتي 

عموماً هذا المركز لة فروع بجدة و الرياض و الخبر 
بالنسبة لفرع جدة عندهم مركزين واحد للعناية و السبا وليزر ووو يعني اقرب لمركز تجميل
و الثاني برضو فية عناية وسبا بالاضافة لصالون تجميل ( مكياج وتساريح ) 

المهم رحت لهم ابي جلسة لشعري 
كنت عامله قبلها بااسبوعين تقريبا البوتكس لشعري 
ورحت لاني ابي شئ يعدل التقصف ويرطب اكثر ... 


المهم حجزت بعد الدوام ورحت ع 6 تقريباً المركز كان فية شوية زحام 
بس جيت ع الوقت فدخلت لموعدي ع طول ...
دخلوني هالغرفة انتظر فيها لحد ماتجي اخصائية الشعر 
الغرفة كلها اجهزة غريبة وانا احسب ان المركز ضيق و هذي اجهزة بشرة بيعملو لك الجلسات وانتي تعملي شعرك 
ابعدو عني لما اتنح هههههههههه 

لما جات سألتها عن الاجهزة طلعت كلها للشعر ولها استخدامات مختلفة للتساقط لتقوية الجذور للتنعيم ... الخ
المهم اختارت لي جلسه لنوعية شعري اسمها 
( جلسة النانو والاوكسجين ) 


بدأنا الجلسة بجهاز الاوكسجين 
هو زي البخار ينحط على الشعر لحد مايتبلل بشكل كامل 





بعدها غسلت شعري بشامبو الارغان ( الابيض اللي ع اليسار ) وعملت لي تدليك رهيب للفروة 
صراحة الشامبو ريحتة خيال خيااااال 



بعدها بدأت تجهز الماسك للشعر 
هو نفس العلبه المدورة بالصورة اللي قبل على اليسار 
هو عبارة عن ماسك مغذي جدا للشعر المتقصف والتالف بزيت الارغان 
خلطتة مع زيت الارغان و زيت جوز الهند و الماكاديميا كمان 
وحطتة على شعري 


جلست بهاليتر شوي حوالي ربع ساعه 



بعدها غسلنا الشعر 
وجابت هالجهاز حسبتها بتعملي شعري ستريت !! 
قالت لا هذا مثبت للعلاج ويقفل مسامات الشعرة ويعطيها لمعه قوية ( النانو )



الجهاز اول ماتشغلة يصير مثلجججججج 
وتبدا تمسح الشعر فية ,. برودتة كانت قوية جدااا  
لدرجة حسيت اذني تلجت و رقبتي و جاتني قشعريرة برد قوية :( 

وحطتلي السيريوم كخطوة اخيرة 
العلاج بشكل عام حبيتة جدا حسيتة رطب لي شعري بشكل كبير 
بس الخطوة الاخيرة اللي بالستريتنر البارد ماحبيتها صراحة كثير 
وكنت زي ماقلت لكم عاملة قبلها البوتكس بفترة بسسيطة 
فحسيتة اثر علية شوي ماادري ليش :(
المنتجات اللي استخدموها اكثر من رائعه ريحة وملمس ونتيجة 
فااشتريتها كلها وانا خارجة وراح اعمل لكم ريفيو مفصل عنها ,. 



المهم ذبحني البرد فطلبت كوفي وجلست انتظر الجلسة الثانية مع اخصائية البشرة 



جاء موعدي ودخلت ,.
عرفتني عن نفسها ,. نسيت اسمها للاسف :(
بس هي مررررا كتكوتة ودارسة بكندا و سألتني عن بشرتي وشعري 
وايش المشاكل اللي اعاني منها 
فخبرتها شوي وقالت لي تعالي نكشف على بشرتك بالكام ,. 



هالكام تكشف لك مشاكل وعيوب البشرة مثلاً هنا عن مدى كثافة الـ ( Sebum ) ببشرتك او الغدد الدهنية 
قالت لي عندك نسبة بسيطة مرا مع جلسة التنظيف حتقلل منها 
ماعندي حبوب كبيرة و لا دهون كثير 


هنا تكشف لك مدى ( Wrinkle ) او التجاعيد بالبشرة وقد ايش هي عميقة وحافرة بالجلد
هنا كشفت على جبيني مالقت فيه تجاعيد بس فيه قشور بسيطة نتيجة جفاف تحتاج سنفرة 


هنا كشفت على شعري كمان ,. تكشف لك على الفروة و الدهون فيها والقشرة ووو 
هنا بالصورة على الضرر بالشعرة توضح التقصف وانشقاق الشعر 
ماعندي مشاكل فيها 

المهم بدأت ترشح لي علاجات للبشرة ,.
وتوضح لي الانواع اللي عندهم ,.


اخترت الكافيار لانة افضل نوع موجود عندهم مختص بالترطيب والتغذية 
يجي بعبوة زي كدا بعد ماعملت تنظيف ومساج للبشرة وحطت لي السيريوم 
جابت الكافيار وحطتة بشاش وعصرررررررررتة على بشرتي 
كل المويا اللي طلعت مسحت فيها بشرة وجهي ورقبتي 
الباقي عملت منة ماسك ووزعتة على البشرة 
جلست فية حدود ساعه ريلااااااااااااااااااااكس وبعدها شالتة ورطبت بشرتي وعملت لي مساج تاني 

من جد حسيت بشرتي تقووووطر نعومة و رويااااانة جدا 
كانها مشبعة مويااا حبيت هالعلاج كثير كثير 
هو كورس لو حابة 12 جلسة انا عملت وحدة بس وهذي النتيجة اجل كيف لو عملت ال 12
اكيد راح اكررها قريب 


المركز ككل جميل وراقي واسعارة معقولة مرا 
جلسة الشعر بـ ... 200 ريال
جلسة البشرة بـ ... مااذكر بكم بس اتوقع حدود 200 برضو 


دمتم بود 

8 comments on "يوم لتدليل بشرتي وشعري بالكافيار و النانو ! "
  1. يعطيكي العافيه ع التغطيه
    حبيت الاسعار حسيت مره رخيصه

    ReplyDelete
  2. عالخدمة المذكورة الاسعار مررررررره رخيصه

    ReplyDelete
  3. الله يسعدك ابغي اسمه وعنوان رقم

    ReplyDelete
  4. اماني اي فرع رحتي لانه دخلت على موقعهم واداني ٣ فروع بجده تعرفي عروسه وحبيت تجربتك حمستيني اجرب😴😴👌🏼

    ReplyDelete
  5. سألت عن جلسة النانو قالوو على حسب كثافة وطول الشعر وعلى شعري 2000 😧

    ReplyDelete
  6. سألت عن جلسة النانو قالوو على حسب كثافة وطول الشعر وعلى شعري 2000 😧

    ReplyDelete
  7. ممكن أعرف ايش اسم الصالون و في مدينة

    ReplyDelete

Auto Post Signature

Auto Post  Signature