مجموعة هدايا من بودي شوب ... بعضها حبيتها والبعض لا !

Thursday, February 26, 2015


’, 


مرحبآ 

هالبوست المفروض ينزل من فترة بس مررررا انشغلت بتجهيزاتي :( 
عموماً هو كولكشن نزل في دا بودي شوب في الشتوية 
واغلب القطع توحي بهالشئ من الباترن اللي عليها ,.
هما ارسلوة ليا عشان اعملو ريفيو وبخبركم ايش حبيت فية وايش ماحبيت ..

نبدأ ...




1- اول قطعه هي هالباليت ,.

منة درجتين شئ على سماوي فيروزي بارد وشئ على وردي 

هذي الدرجتين : 

 

احس لو اعطوني الدرجات الوردية يمكن حبيتو واستخدمتو اكثر لووول

الدرجة اللي عندي اسمها Frosted Pastels




هنا الدرجات من تصويري ,. 


وهذا سواتش الالوان ,. 

زي ماانتو شايفين الالوان مو ثقيلة وواضحة ,. صبغتها اللونية خفيفة جداً و فيها نتفة جليتر بس يطيح ويتناثر 
ماحبيتها صراحة حاولت استخدمها بس ماش :/






2- المنتج الثاني هو هالايلاينر ,. 
هو ايلاينر جليتري اللون اللي ارسلوة الفضي 
مااعرف اذا فية درجة ثانية 
بس عموماً جميل ,. ريشتة خفيفة مررررا تشبة ايلاينر محمود سعيد 
بس تقدري تتحكمي فيه و غالبا انا استخدمة فوق ايلاينر ثاني اسود مثلا للسهرات 
يعطي ايفكت افخم واجمل 


هذا سواتش لكثافة الجليتر اشوفه ممتاز 
بعض الايلاينرز يطلع لك منة نقطتين جليتر وتضطري تزيدي كدا طبقة 
بس هذا كثافتة حلوة للي تحب هالنوع من المكياج 





3- كريم لليدين صغير من مجموعه العسل ,.
المجموعة ككل حلوة وقد تكلمت عنها قبل ( هنا )
الكريم ريحتة جميلة وخفيفة ككل المجموعة 
بس لاتتوقعي منة المعجزات هو كريم للترطيب الخفيف 
بس لو يدينك جافة ومحتاجة عناية اكثر او تفتيح ماينفع لك 

نصيحة : 
لاتكثرو من استخدام الكريمات المعطرة لانها تسمر بالكفوف 






4- بابلز بريحة الكانيبيريز ..
فكرتها جديدة بحيث تكون في هالعبوة وتاخذي منها المقدار اللي تبينة وتحطية بالبانيو 
تعطي رغوة كبيرة جداً وهالشئ حبيته
خصوصاً اني احب التنقيع في البانيو كثير واحب العب فيها ( طفولة متأخرة :/ ) 
بس اللي ماحبيتة ان تعليبها مو عملي ابدا ابدا 
لو برجع اخذ منها شوي بتكون يديني فيها مويا وممكن تخرب لي اللي بالعلبه 
ماادري ماحبيت التعليب بالعبوات الطويلة مثل الشامبو افضل 
بس ريحة ورغوة جميلة 





5- زبدة الجسم بريحة التفاح ,.
التفاح احس من اكثر الفواكة اللي اغلب الناس ماتستسيغ ريحتة بالعطور 
يعني مثلا انا مااحبة صراحة ومايناسب شخصيتي ابداً 
لو بطلع احط شئ مرا فخم او بدون ريحة واحط عطر فخم 
ولو بجلس بالبيت احب العطور الناعمة السويت او الحمضيات 
بس التفاح !! 
عشان مااحس اني راكنتة وحرام وتانيب ضمير صرت استخدمة بالبيت 
المشكلة اهلي كل مامريت يقولون فية ريحة رواخ :(((((((((
هنا عاد بطلت صراحة استخدمو ههههههه 
بس الترطيب عادي مثل جودة اغلب زبدهم 




6- الصابونة نفس الريحة طبعاً ( تفاح )
بس يمكن اهون على قلبي من الزبدة ,. لانو الصابونة ريحتها ماتطول كثير 
حدها بالشور تعطيك تغيير جو وبس 
فالصابونة استخدمتها صراحة لحد ماانتهت 
قالب الصابون معقول و ماينشف كثير 
مع اني ماافضل القواب الصابونية صراحة احب الشاور جل او الكريم شاور 
الصابون غالبا يجفف كثير بس هذي ماحسيت ان بشرتي تضايقت منها 



دمتم بود 


3 comments on "مجموعة هدايا من بودي شوب ... بعضها حبيتها والبعض لا ! "
  1. الايلاينر شكلو مره يحمس شكلي بجربه يعطيك العافيه ع الرفيو =)

    ReplyDelete
  2. يضايقني مثلك تغليف منتجات الاستحمام ذات العلب المفتوحة من أعلى، أتمنى الشركات تهتم بالتفكير في طريقة الاستخدام أكثر
    بالنسبة لزبدة التفاح أنا أيضًا لا أحب روائح الفواكه في منتجات الجسم.. بالمناسبة لم أفهم معنى كلمة رواخ :)

    ReplyDelete

Auto Post Signature

Auto Post  Signature