ديور نود اير العشق الجديد !

Wednesday, March 25, 2015


’, 


مرحبآ 

اليوم بكتب لكم عن منتج رررررائع من بعدة تغيرت نظرتي للفونديشن ..



اخر المنتجات اللي اطلقتها ديور مؤخراً ( مجموعه ديور نود اير ) 
عباره عن فونديشن و بودره حره و مضغوطه 
من نزلت وهي عاملة ثورة عند كل البيوتي بلوجرز 
اخذت الفونديشن بس و قريب بجرب كمان البودرات






هذا الإعلان الترويجي لها جدااااا يشووووق 
الفونديشن عباره عن سيريوم وبودره سوا !
خفيف جداً جداً من اسمه Air كأنه هواء على بشرتك 
تركيبته تسمح للبشره تتنفس وكأنك مانتي حاطة شيء تماماً 
بالإضافة انة بيحتوي على تكنولوجيا Active Oxygen 
وهي تقنية ابتكرتها ديور لأول مره بااستخدام زيت التوت البري و فيتامينات ومعادن 
تخلي البشرة اكثر نشاط و قدره على التنفس 
وعملو تيست على هالتقنيه و طلعت نسبة ٪٧٣ من النساء اللي جربوه 
اصبحت بشرتهم صحية اكثر !!

يعني ودعو كريمات الاساس الثقيله الكيكية اللي تخنق بشرتك وثاني يوم تطلع لك حبوب :(


الفونديشن سائل ويطلع بقطاره تسحبي من المنتج كم نقطه 
وتوزعيها على بشرتك بسرعه ... ثواني و ينشف 
لان تركيبته مصنوعه من زيوت تتبخر على طول 
فيعطي شكل مخملي لبشرتك رررررائع 


تغطيته اشوفها متوسطه مايغطي العيوب الواضحة وتحتاجي كونسيلر 
بس شوفو الفرق كيف .. يعطي منظر جميل للبشرة لون جميل ولاكانك حاطه شىء
لا يبرز خطوط ولا يتكتل ( اذا وزعتيه صح ) 
ولا يختفي بعد فتره بسيطه بالعكس ثاااااابت جداً 
من النهايه يخلي بشرتك تبان صحييييييييه 
فية نسبه SPF 25% 
المنتج فية ريحة جميلة مثل عطور ديور 
و منه ٨ درجات شئ مايل على وردي شئ على بيج 
فروقي واختاري درجتك بترررركيز

سعرة ٢٠٠ وشوي تلاقوه بسيفورا 


دمتم بود ،.


5 comments on "ديور نود اير العشق الجديد ! "
  1. اللللله جد تحمست له ، يعطيك العافيه شكله جدا جميل
    http://iamruaa.blogspot.com/

    ReplyDelete
  2. يسلموا ويعطيك العافية طيب اﻻفضل في توزيع الفاونديشن الفرشاة أو الاسفنجة ومشكورة لك عزيزتي .

    ReplyDelete
    Replies
    1. اللي يريحك وتحبينه هو الافضل انا احب الفرشاه + اصابعي

      Delete
  3. ربي يسعدك من جد
    مجموعتهم الجديدة جميلة جدا سبق وجربته في المحل وعجبني
    وآفكر اول ماتخلص المجموعة الي عندي
    اشتريه
    وسعره مررره حلو

    ReplyDelete

Auto Post Signature

Auto Post  Signature