جميع مشاكل بشرتك لها حليها مع برايمرات ميكأب فورإيفر الجديدة !

Tuesday, March 17, 2015
’, 


مرحبآ 

فورايفر :( 
البراند اللي من جد احسة مايخيب ظني بااي شئ اخذة منهم 
 كل شئ عندهم ممتاز ممتاااااز .. و اغلب اساسيات مكياجي من فور ايفر 
براند متخصص وبروفيشنال جداً اثق فيهم 
المهم ان ريفيو اليوم عن اخر منتجاتهم .. اللي هيا مجموعه البرايمرز الجديدة ., 


من ايام الدنيا وبرايمرات فور ايفر مشهووووورة والكل عارفها وبيتكلم عنها ..
برايمراتهم الجديدة اضافو للمجموعه الملونة القديمة 4 الوان جديدة بدرجات الرمادي 
لانها غير مصححة مثل البرايمرات الملونة 
البرايمرات الجديدة كل واحد فيهم يحل مشكله ما للبشرة .. 



المجموعه الجديدة تحتوي على 10 برايمرز كل لون يصحح او يحل مشكلة ما في البشرة 

الملونة راح اتكلم عنها ببوست تاني لما اجربهم 
واليوم بس بتكلم عن الـ 4 الجدد باللون الرمادي  ..


نبدأ بالاغمق ., 
 No. 1 / Mattifing Primer 

هو برايمر مخصص للي حابين المظهر المات 
يخدم بشكل اساسي صاحبات البشرة الدهنية المزيتة او المختلطة اللي تميل للدهنية ..لانه راح يخفف كثير من لمعانها 
يحسن من كفائه الاساس تبعك ويعمل كطبقه وسيطة بين الفونديشن و البشرة
وهالشئ راح يضمن لك ان مكياجك ماراح يختفي بعد فترة قصيرة
والجميل فيه انه برضو يقلل من مظهر المسامات 
جميل للصيف / للمناسبات الكبيرة اللي ماتبي مكياجك يختفي فيها بعد فترة 



( تقريباً هو النسخه الجديدة من برايمرهم القديم المشهور All Mat ) 




الرمادي الفاتح 
/ ثاني واحد من اليمين .. نسيت اصورو لوحدو :( /
No. 2 / Smoothing Primer 

منعم للبشرة بشكل اساسي وخافي للمسامات و الخطوط 
فكرتة نفس برايمر بينفت و برايمر بودي شوب وسيفورا و اغلب البراندات كمان نزلو فكرة مشابهه لاخفاء المسامات 
اللي حبيته فيه انة يندمج بشكل اسرع واسهل من برايمر بينفت 
بس في الاداء تقريباً كلهم واحد 



فاللي عندها مسامات واضحة تخرب شكل الميكأب تاخذة بدون تفكير 
لانه من جد يفرق بالنتيجة النهائية للميك اب
يعطي شكل انعم بكثيييير للبشرة 




الابيض مايل ع السماوي 
No. 3 / Hydrating Primer 

مرطب للبشرة ( المختلطة / العادية ) اساسة مائي بس خفيف جداً
يحبس الرطوبه داخل بشرتك ويخلي بشرتك رطبة كانك قبل شوي مرطبتها 
يعطي البشرة رونق ورطوبة حلوة فيبان المكياج اجمل 



الابيض 
No. 4 / Nourishing Primer 

مرطب للبشرة ( شديدة الجفاف ) ومغذي بنفس الوقت اساسة مائي برضو بس عميق وثقيل
بيحتوي على زبدة الشيا وهذا اللي يخلي ترطيبة اعمق 
البشرات المختلطة الى الدهنية ممكن تتضايق من رطوبتة 
واصلا ماتحتاج كل هالترطيب لانها بترطب نفسها بنفسها 
اما اللي بشراتهم تميل للجفاف مثلي بيعشقوووونة احطة حتى بدون فونديشن بعد ماارطب بشرتي احط منة ممتاز ويريح البشرة 


سعر الواحد 165 ريال بحجم 30 مل 
معقول السعر لانك ماراح تحتاجي كمية كبيرة منها .. خصوصاً لو اخذتي المصححات اللونية 
فخذي اللي تحتاجية فعلاً فعلاً فعلاً و لاتبالغي


دمتم بود .

4 comments on "جميع مشاكل بشرتك لها حليها مع برايمرات ميكأب فورإيفر الجديدة ! "
  1. ريفيو جميل و جدا مفيد
    الله يعطيك العافية

    ReplyDelete
  2. كيف حسيتي البرايمر الاسود
    صدق يعطي اللوك المات؟
    ولا بعد فتره ترجع البشره تدهن بس اخف؟
    مشكوره على الريفيو الجميل

    ReplyDelete
  3. يسلوا على اليبوست الجميل محتاجة هالبرايمر خاصة البشرة الدهنية

    ReplyDelete

Auto Post Signature

Auto Post  Signature