تجربتي الكامله مع المقشر الياباني للأقدام .. Baby Foot

Friday, April 03, 2015


’, 


مرحبآ 

بعد تجربة اسبوعين ...
اليوم اقدر اكتب لكم عن هالمنتج الررررررائع 




المنتج قليلة فيه كلمه رررائع صراحة 
من كل قلبي حبيتة و راح اشتريه الف مرة ومره 
منتج يوعد و يوفي !!
بعد الاستخدام لمرة وحدة فقط تلاقي رجولك زي البيبي بالزبط 




المنتج عباره عن احماض فواكة مستخرجة من ١٧ نوع من النباتات 
اللي حاطين صورتهم ع اليمين تحت بالدوائر 



( الصورة من النت ) 
داخل العلبه فيه شراريب من البلاستيك بداخلهم الجل الي هو احماض الفواكة 
تلبسيه على رجل نظيفة والافضل تكون منقعه بالمويا يعني لينه شوي ( انا نقعتها ١٥ د )
عشان تسهل امتصاص المنتج اكثر واكثر 
تلبسي الشراب وتقفليه تمام على رجلك باللصقات المرافقه 
وتخليه لمده ساعه على رجولك وتعملي مساج بسيط لرجلك 
عشان تضمني دخول المنتج بين الاصابع وبكل مكان 
وبعدها تغسلي رجولك كووووويس بالمويا والصابون


بس .. و من هنا يبتدي السحر !! 


رجلك حتبدأ تقشر لمده اسبوعين او اقل شوي حسب درجة القشور برجلك ،. 
انا انسانه دايم اعتني برجلي واعمل جلسات بديكير بشكل منتظم 
فما طلعت قشور تفجع زي بعض صور النت 


تقريباً انا قشرت رجولي مثل هالصوره 
مجرد قشره بسيطه كانها ورقه خفيفة وتطيح 
ومع ذالك اضطريت البس شوز رياضي في تنقلاتي من بعد اليوم السابع 
لان شكل الرجل يفشل خصوصا انه بدآ يقشر الرجل من فوق 
و القرايب منك ممكن يتقرفون برضو من المنظر 
فخلي الشراريب صديقتك خلال هالفتره 
العلاج غير مؤلم ابداً ولا تحسي فيه .. كنت اروح النادي واتسوق و امشي كثير
وعادي جداً وانسى اصلاً ان رجلي تتقشر 



ملخص بالأيام : 

من اليوم ١-٣ عادي ولا شئ بيصير 
من اليوم ٤-٧ تبدأ الاصابع والكعب بالتقشير
من اليوم ٨-١٠ بتتقشر كامل الرجل من الاسفل 
١١-١٤ كامل الرجل تتقشر من فوق وتحت الاظافر 
١٥-١٧ حتكون طاحت كل القشور و خلصتي العلاج 


بعد كدا رجلك بتكون طريه جداً وناعمه وراح تفتح من فوق 
حافظي على النتيجة بالترطيب المستمر 
وتقدري ترجعي تكرري التقشير بعد ٣-٤ شهور 
و لا يستخدم اكثر من ٤ مرات بالسنه 
وممنوع لمرضى السكر يستخدموه او اللي عندهم اي نوع التهابات او فطريات بالقدم

متوفر بصيدليه وايتس 
وسعره ١٥٠ ريال 

بترككم مع بعض صور النتايج عشان تتحمسون ..






دمتم بود 


10 comments on "تجربتي الكامله مع المقشر الياباني للأقدام .. Baby Foot "
  1. This comment has been removed by the author.

    ReplyDelete
  2. ريفيو جميل ❤ مرة تحمست أشوف تجربتك معاه , أنا صارلي فترة من استخدامه و لسا نتيجته جميلة معايا مع الباديكير و العناية المستمرة.
    كتبت عن تجربتي هنا لو تشرفيني و تشوفيها

    http://miramode90.blogspot.kr/2015/03/baby-foot.html

    ReplyDelete
  3. ريفيو جميل الله يعطيكِ العافية ❤️ ،
    وهذا ثاني ريفيو اقرأه عنه وهالمرة حقيقي تحمست لتجربته .. وحبيت اسألك هل اللي في رجلهم دوالي ينفع يستخدمونه ؟

    ReplyDelete
  4. واااوو ،، شوقتيني اجربه :)
    الله يعطيك العافية

    ReplyDelete
  5. مرررره تحمست له آكثررر
    الحمدلله رجولي اعتني فيه لكن طمعانين بالنعومة وتفتيح وتوحيد لون القدم
    ربي يسعدك ماقصرتي

    ReplyDelete
  6. انا اخدت منتج زيه من Mbeautyودحين ليا يومين ولا صار شي بنتظر زي مابتقولي واشوف😕

    ReplyDelete
  7. انا اخدت منتج زيه من Mbeautyودحين ليا يومين ولا صار شي بنتظر زي مابتقولي واشوف😕

    ReplyDelete
  8. ربي يسعدك بكم شريتية وين احصلة ؟

    ReplyDelete
  9. حمستتيني مررره اني ارجع استخدم المقشر .. اذكر لمن استخدمته اخذ وقت الين وقت التقشير بس لاحظت انها تتقشر بعد كل شاور 👌

    ReplyDelete
  10. https://www.facebook.com/profile.php?id=100004065912288 السلام عليكم حبيباتي
    تكبير الصدر تكبير الارداف ونفخ الوجه وتسمين الساقين بالاعشاب المغربية سر جمال المغربيات منتوجاتنا غير متوفرة في الاسواق لا يباع الا من خلال مقرنا بالمحمدية و عبر صفحتنا على الفيس بوك أهم ما يميز منتجاتنا :
    1-يتم تصنيعها تحت الطلب فقط على يد خبير الاعشاب وعلى حسب الحالة الصحية لكل شخص وبالتالي ما لها اي اضرار جانبية على صحتكم والتجربة خير برهان

    ReplyDelete

Auto Post Signature

Auto Post  Signature