شدوهات لوراك برو .. اجمل شيء ممكن تهدية جفونك D:

Wednesday, April 08, 2015
’, 


مرحبآ 


يمكن اكون اخر وحدة تكلمت عن هالباليت الجميل ,.
بس عموماً انا من الناس اللي ماعندي هوس بباليتات الايشادوز !! 
الواني محدده واغلبها طبيعيه جداً 
من درجات الوردي الهاديء الى البنيات الطبيعيه 
وإن فكرت اسوي لون غير رحت للزيتي او الموف ههههه 
مااحب المكياج الملون كثير وان احتجت لون قوي اشتريته لوحدة وخلاص 
فهذا السبب اني بالنادر اشتري باليتات وان اشتريت فهي مكرره بنطاق الواني اللي استخدمها


فعشان هالسبب بالذات قررت اشتري اللوراك برو ...
ماركة لوراك ماهي جديده علي وقبل فتره استخدمت منهم باليت ميني بثلاث الوان فقط 
من درجات البني برضو هههه وكنت معجبة جدا جدا فيه وهذا تقريري عنه ( هنا
( للي خايفه تجازف وتاخذ الكبير ومايعجبها تاخذ الميني تجربه مثلي ان عجبك دايركت خذي الكبير هههه
وإلا اقلك بلاش خذي الكبير صدقيني بيعجبك جدااااا لووول )

بعد ماجربت الميني قررت اخذ منهم باليته كبيره تضم الوان اكثر 
بس الوان انا احبها وتناسبني 
فااخترت اللوراك برو ٢ 

من اول لحظة سويت فيها سيرش عنه وشفت الالوان عرفت انه مصمم لي هههههه
باليت من ١٦ لون نصفها مات مطفي ونصفها شيمري 
الصف اللي فوق كاملاً الوان مااااات و طبيعيه بغض النظر عن النيلي فيه جرأه شوي 
لون النكتار رائع للدوام و الكول قراي اكثر من يجنن لكسره الجفن 

السطر اللي تحت كل الالوان شيمريه تنفع مناسبات وسهرات 



هنا سواتش للالوان الشيمريه 
الالوان تجننن كريميه ناعمه للغايه ولمعتها ثابته ولاتتناثر 



سواتش الالوان المات 
اللحمي هو اللون اللي اقلكم رائع للصباح ( النكتار ) جدا لطيف وناعم 


هنا كل الالوان احس بدقه افضل 
الزيتي خرررافه يبكي :(



هنا تطبيقات بنفس الباليت 
هذا باللون النيلي احس حبيته بعد هالصوره 



تطبيق اخر دمجت بين المات و الشيمري 


الزيتي الرائع مع الموف :( 


الباليت يجي معاه برايمر يثبت الالوان 
مع اني مااحسه يحتاج كثير .. بس عموما يخلي اللون بارز اكثرررر وثابت اكثر واكثر 
استخدمه للسهرات اكثر شئ بس غير كدا للصباح مايحتاج
لأن الصبغه اللونيه في الباليت قويه جداً و اللون من لمسه يبان 
ثباته طووووويل و مايتناثر بعد فتره او يختفي 

عن نفسي اشوفه من افضل الباليتات والشدوهات اللي جربتها بالاضافه لسعره المعقول 
عيبه الوحيد تغليفه :( 
غير عملي لانه من الورق المقوى فااي طيحه ممكن يكسر لك كم لون :( 
غير كدا بيرفكت بيرفكت بيرفكت 
وانصح فيه بشده 


اخذته من هالحساب @SHOP_LINDA1 بالانستا
لعدم توفره بالمملكة ( على فكره صاحبة المتجر انسانه جداً راقيه ) 
سعره : 220 ريال 



دمتم بود 
3 comments on "شدوهات لوراك برو .. اجمل شيء ممكن تهدية جفونك D: "
  1. جــمــيــل ..حبيت الالون :)

    ReplyDelete
  2. كنت ناويه عليه بس اخدت الروك ستار من ذا بالم

    ReplyDelete
  3. كنت ناويه عليه بس اخدت الروك ستار من ذا بالم

    ReplyDelete

Auto Post Signature

Auto Post  Signature