قلوسات راح تغيير مفهومك عن القلوسات ! Makeup Forever Plexi Gloss

Wednesday, October 07, 2015


مرحبا


ريفيو اليوم سريع عن مجموعة قلوسآت ميكأب فور ايفر الجديدة

 Makeup Forever Plexi Gloss 

عن نفسي احس اي شئ ينزل في ميكأب فورايفر بيكون بروفشينال وعلية القيمة
ماركة جداً احبها واحترم منتجاتها واتحمسسس لجديدها ...


القلوسات هذي اللي يميزها عن غيرها إنها ذات صبغة لونية عالية ..
كلنا عارفين ان القلوسات تعطي المنظر الرطب اللامع للشفايف بس غالباً تكون بدون لون قوي ..
بس هالمجموعة غيرت نظرتي للقلوسات حرفياً !!
الوانها قوية وواضحة خصوصا الغوامق ممكن تستخدميها لوحدها من كثر مااللون واضح من قلب ..
كمان من الاشياء اللي حبيتها فيها انها ماتدبق على الشفايف ولاتخليها تلزق ببعض
تعرفون هالاحساس اكرهه كأني حاطه غراء .. اكرهه حرفياً :(
عشان كدا نادراً مااستخدم القلوسات خصوصاً اللي بلمعه مااحبها ابدا
بس هالمجموعه غيييير تعطي ترطيب للشفايف ولمعه بدون احساس التلزيق المزعج  ..


،

هالمجموعة اصدر منها ٣٥ لون ! تتنوع بين الجريئة جداً الى الهادية و الناعمة ..
عندي منها ١٠ الوان .. عموماً درجات الالوان مقسمة بهالشكل ..

100s = الوان النود و البيج بدون لمعه                                   
100Ps = الوان النود والبيج مع لمعه                                        
200s = الورديات بدون لمعه                                                
200Ps = الورديات مع لمعه                                                  
300s = المشمشيات بدون لمعه                                            
300Ps = المشمشيات مع لمعه                                              
400s = درجات الاحمر بدون لمعه                                        
400Ps = درجات الاحمر مع لمعه                                          
500s = بيسموها الوان الارتيست بمعنى الوان جريئه بدون لمعه 
500Ps = الوان جريئة مع لمعه                                                  

بإختصار اذا شفتي الدرجة مكتوب فيها PS او P فقط فمعناتة فيها لمعه جليترية - لؤلؤية
« Pearly Sparkly Shimmers »


هذي اكثر الوان استخدمتها وحبيتها من ال ١٠ الوان اللي اخذتها ..

500 موف بس رايق وهاديء مايل للوردي جميل جدا للصباح والبيت يعطيك حياة ولون لشفايفك جداً مغرمة فية
104 نود راييييييق جدا جميل استخدمة لوحدة احيان بس غالباً فوق الارواج النود المات مع السموكي ايز بيرفكت
304 مشمشي شوفو الصوره اللي فوق ولاحظو كيف خلصتة هههه لون طبيعي وناعم خصوصاً وقت الصباح يفتح النفس
208P وردي باربي جميل وانثوي جداً لون رايق مع لمعه بسيطه مو مرا واضحة .. لاحظو الـ P عشان اللمعه
204 نود غامق او لحمي تقريباً جدا جمييييييل اتعب وانا اوصف جماله يليق بكل شئ وكل وقت مرررا حبيته
406 عودي غامق لون دافئ وغني بينفعني كثير في مكياج الشتاء مع الاي لاينر العريض 

صراحة كل الالوان اللي جربتها جميلة جداً ماعدا الاسود ماحبيتة لانة مايناسب ستايلي ابد ..
كمان اللون اللي بين العودي الغامق و الاحمر بالصورة اللي فوق
رقمة 405P جدا لمعتة واضحة ومزعجة للعين ماناسبني ..

هذي سواتشات لكامل الالوان ...





اعيب عليها شغلة وحدة ان سعرها شوي مرتفع اظن ٩٥ ريال والكمية تخلص بسرعه غريبة ..
غير كدا مااشوف فيها عيوب و راح اشتري كمان الوان جديدة منها خصوصا درجات الوردي واللحميات تهبل


دمتم بود 



1 comment on "قلوسات راح تغيير مفهومك عن القلوسات ! Makeup Forever Plexi Gloss "
  1. .
    .
    .
    الدرجات اللي عندك رهيبة جدا
    وشدتني درجات البارت الثاني اللي من الاحمر للموف ..لحظة تأمل في الجمال
    ماأستخدم القلوسات بشكل كبير ..لكن أتوقع بعد هذي راح تتغير نظرتي !!
    يعطيك العافية على الريفيو الجميل الممتع
    .
    .
    شكرا من القلب

    ReplyDelete

Auto Post Signature

Auto Post  Signature