ارواجي المفضلة بهالفترة .. نود بنتفه لون !!

Saturday, February 20, 2016



مرحبا .. 


الارواج الفاتحة عشقي الاول .. 
انا من الناس اللي الغوامق ماتليق علي وتكبرني مااعرف ليش .. :( 
فالفواتح افضل خيار بالنسبه لي .. احب النود او اعشقة بمعنى اصح هههه 
بس ممكن اخذ ارواج نود فيها نتفه لون .. للتغيير او للسهرات .. 
فحبيت اشارككم هالمجموعه للي تحب الارواج الناعمه مثلي .. 


حاولت اطلع الاكثر استخدام ماعرفت .. لما اجي اكتب عن الارواج اطلع كل الدرج ههههه
احب الارواج كثير كثير مع اني قليل استخدامي لهم هالاوقات افضل القلوسات الملونه 
فعزلت الارواج اللي استخدمهم اكثر شيء بااني احطهم ع التسريحة بعد مااتمكيج بدال ماارجعهم بالادراج
فهذي هي اللي تتكرر معاي دايم هههههه << خطة رهيبه 



روج نود فيه نتفه مشمشي على بينك خفيف من سليك 
اسمه ( barely there )


الروج مرطب و الفينيشينق حقه ساتين .. مناسب للبشرات الدافئه 
و لانه كريمي فثباته بسيط مايتعدى ساعتين .. 
بس يستاهل الاقتناء للونه وتركيبته 
ب ٣٠ ريال من صيدليه وايتس 
،


ارواج ريميل عشق من مرحله المراهقة .. 
هذا الروج جديد على مجموعتي منهم .. ممكن بيوم اكتب عن اكثر الدرجات اللي احبها منهم ..
الروج نود نود مايمزح ههههه من افتح درجات النود 


هذا تأثيره .. غالباً استخدمه لتفتح ارواج او درجات غامقه ..
واحيان استخدمه لوحده يعطيني هاللوك الناعم جدا 
ترطيبه رهيبه وثباته قليل ..
جميل للصباح والمساء مع المكياج السموكي .. 
ب ٤٠ ريال

،


روج من ماك اشهر من نار على علم .. Kinda sexy 
مات .. ثباته طوووووووويل .. مايعطي ترطيب للشفايف بالعكس يبينها جافه اكثر 
فلازم ترطبين قبله كثير و اذا كانت شفايفك متشققه قشريها .. 


هذا تأثيره نود بس بلون مشمشي واضح .. لازم معاه مكياج واضح والا راح يبان وجهك شاحب كثير 
فهو جميل لو عرفتي تزبطي بقيه مكياجك معاه 
ب ١٢٠ ريال اظن اذا مارفعو الاسعار بعد :( 

،


روج من ريميل اسمه Asia هالروج قليل اشتريت من ٥٠ واحد هههههه
له عمرررر معايا وكل ماخلص واحد اخذ ٢ من كثر مااحبه .. 
كريمي و ترطيبه جميل ولونه هاديء لحمي غامق 


ثباته بسيط ككل الارواج الكريميه .. 
انما من قلب جميل ويليق على بشراتنا العربية 
ب ٤٠ ريال 

، 



روج من لوريال رقمه ٢٣٠ .. ارواجهم فيها ريحة موطبيعيه .. عطر جمممميل 
اللون وردي بنتفه بني جدا رااااايق وتقليدي احسه مناسب لكل الاعمار 
كريمي وترطيبه روعه .. ثباته قليل .. 


للاسف مالقيت له سواتش كويس :(
اللون اللي بالنص هو اللي اقصدة 
مااتذكر سعره عندي من زمان .. 


دمتم بود 



4 comments on "ارواجي المفضلة بهالفترة .. نود بنتفه لون !! "
  1. حبيت ❤️❤️
    بالذات روج كيندا سكسي مرره بطل
    تدرين انا عكسك لو احط لون فاتح اصير شاحبه مره
    الغوامق تناسبني اكثر ❤️❤️
    يعطيك العافيه

    ReplyDelete
  2. اكثر واحد اعجبني barely there
    لونه هادي ومناسب للدوامات ان شاء الله راح اقتنيه
    .
    .
    .
    اماني اتمنى تزوري مدونتي وتكتبي لي رأيك فيها
    https://bashaierblog.wordpress.com/

    ReplyDelete
  3. نفس حالتك الغوامق ماتناسبني , هالأيام هابه بـ ارواج ميك اب فور ايفر المات .. رقم 1 ورقم 5 والكل يسألني عنهم .. رقم 1 باهت شوي فـ صرت بالنص أحط شوي نتفه من 5 او اسوي العكس يطلع كأنه اومبري ع خفيف .. بدون مبالغه كل مره احطهم انسأل عنهمم

    ReplyDelete
  4. ارواج ريمل مره تحمست لها خصوصا الفاتح ×_× ,,
    وشسمه اخر روج من لانكوم بس شكله لخبطتي عشان كذا م حصلتي له سواتشات

    ReplyDelete

Auto Post Signature

Auto Post  Signature