مجموعة منتجات تجميلية فاشلة .. انخدعت فيها :(

Wednesday, April 20, 2016

بوست اليوم عن منتجات جربتها ومافادتني ابدا او اشتريتها و ندمت :(
يمكن تكوني جربتي من هالمنتجات منتج وحبيتيه او فادك فلا تكوني حساسه اذا ذميته
لان مو لازم نتفق على رائي كلنا .. وياريت تذكري تجربتك تحت بالتعليقات يمكن تفيد احد

نبدأ ..
،


 Batiste Dry shampoo 

الشامبو الجاف :( من اقرف ماجربت للاسف ..
الفكرة من اساسها ماناسبتني من قبل مااشتريه .. وكنت عارفه اني ماراح احبه ..  بس اشتريته للمدح الفضيع
و زي ماتوقعت ابدا ماتناسبني هالافكار ..

هو مصمم للشعر الدهني  .. او الشعر اللي له كم يوم ماتغسل فيصير شكله مدهن و سيء
وبدال ماتغسليه ترشي عليه الشامبو الجاف اللي هو عباره عن بودره
فاللي يصير .. البودرة تمتص الرطوبه و يصير شكل الشعر افضل شوي ..






هذا شكل الشعر لما تحطي عليه الشامبو الجاف
وبعد شوي يختفي التاثير البودري هذا ..
بس بصراحة ،، سيء و وسخ ..
حتى لو كنت في وقت ضيق ومااقدر ازبط شعري افضل اني استحمى واحط جل او اي حل سريع
افضل من اني ابخ بودره على شعري

المهم انه شعوره غير مريح و غير منعش ابداً

،

 Puff Off 

كريم العيون من بينفت .. مصمم يخفي النفخه تحت العين 
للامانه انا مااعاني من اي انتفاخ تحت العين 
اعاني من العكس .. تحت عيني مجوف شوي .. :(
بس جربته على اشخاص يعانون من هالمشكله والكل ماشافو اي فائدة منه 


فكرته انه طرفة معدني فيصير كانك حاطة كمادات بارده للعين او زي فكرة كمادات الملعقة الباردة تحديداً ..
بس زي ماقلت ماشفت له اي نتيجة تناسب سعرة ..
حتى الصور اللي القاها لبلوجرز اجانب جربوه .. اقعد احاول اطلع الفرق ولا اقدر بصراحة


هذي مثال مثلاً !!! حاولت اطلع الفرق قبل وبعد ولا لقيت فيها شيء اختلف !!
اقترح عليك اذا تعانين من مشكله الانتفاخ تحجزي عند دكتور مختص بقيمه هالمنتج افضل لك !

،



 Air Patrol 

هو عباره عن برايمر للعين ..  BB كريم للعين  .. وفيه حمايه من الشمس بنسبه 20% 
المفروض انه يرطب العين ويعطي لون خفيف للجفن قبل ماتحطي المكياج 
وفيه نفس فكرة الطرف المعدني اللي فوق 
بس هنا خلوه بلاستيكي او من السيلكون .. 



على اساس يعمل تدليك خفيف للعين .. 
عموماً هالفكرة تجارية و مالها علاقة بالواقع .. اللي تبي تتمكيج ماتبي تدلك عينها هههههه
ابي اتمكيج بشكل سريع و مرتب .. لو هو كريم ليل ممكن تكون فكرة واقعية شوي 
اما كل كونسيلر طلعوه حطو بطرفة شيء للتدليك تو ماتش استخفاف بعقولنا .. 

غير ان النتيجة ابدا لاتذكر .. 


يعطي لون جدا جدا بسيط ومايعتبر كونسيلر ابداً ..
فما حسيتة يسوا سعرة و لا الاقتناء .. 

،




 Eye Makeup Remover 

مزيل مكياج العين من لوريال .. انمدح لي كثير و شفت كثير يمدحونه
بس مو هذا اللي انمدح لي .. هذا شفاف تماماً مثل المويا ..
اللي انمدح لي هو اللي فيه جزء زيتي بلون ازرق غامق ..
بس للاسف المنتجين عليهم نفس الاسم ونفس الشكل فماانتبهت واخذته ع السريع من السوبر
نهائياً ماينزل شئ و خفيف حتى المكياج اللي مو ووتر بروف ماينزله :(
مايسوى صراحة .. بس الثاني اللي بالزيت ممتازززز ..

،



 Sephora Extreme Liquid Lipstick 

اسوء روج جربته بحياتي :(
هو روج سائل و ثابت .. بس للاسف فيه مشكلة بتركيبته ..
الروج حرفياً غراء !! يلزق شفايفك العلوية بالسفلية .. وكل ماتكلمتي رجعو لزقو مع بعض :(
شعورة غير مريح نهائياً برغم انهم يوعدونك بفترة بقاء طويله على الشفايف
الا انك ماتقدري تستحملية ربع ساعة :(
سئ سئ الى ابعد حد


مع ان هدى بيوتي مادحتة كثير الا انه مايسوى نهائياً ..

،

دمتم بود 
8 comments on "مجموعة منتجات تجميلية فاشلة .. انخدعت فيها :( "
  1. هههههههههههه يختي وصفك يجنن
    والله اني احب تدويناتك جدددا

    ReplyDelete
    Replies
    1. هههههه حبيبتي الله يسعد قلبك

      Delete
  2. صح اغلب الاوقات الشركات تسوي ضجه على المنتج و سحري و مدري شو و اخر شي خرطي ما يسوى شي مشكوره حبيبتي ع التدوينه من المدونات الي احب دايما اتابعها ❤️❤️

    ReplyDelete
  3. تبحث عن كيفيه عزل الفوم او افضل شركة عزل فوم بالرياض لا تتردد فى الاتصال بنا فنحن نتشرف بخدمتكم مع الضمان 10 سنوات خدمه عزل الفوم من قبل شركه الاخوه تتم من خلال استخدام أفضل المواد وبأفضل الطرق شركة عزل فوم

    ReplyDelete
  4. This comment has been removed by the author.

    ReplyDelete

Auto Post Signature

Auto Post  Signature