انثى كلاسيكية .. بشفايف حمراء !!

Thursday, April 21, 2016



بوست اليوم عن الاحمر
لون لازم يكون بدرج كل انثى تعشق الجمال الكلاسيكي البسيط و المثير !
الاحمر اشوفة لون اساسي سواء بالأرواج او بالمناكير لازم يكون عند كل بنت ..
لأنه ببساطه منقذ !!
لو منتي عارفه ايش تختاري لون مناكير دايم اول شيء يخطر ع البال ، الاحمر او الفرنش
لانه جميل مع كل شيء و انيق مع اي قطعه او لوك !

و الروج الاحمر مناسب لكل درجات البشرة  ... على البشرات الدافئه يعطي دفء جميل جداً
ومع البرونزاج راااائع
و مع البشرات البيضاء البارده يبكي :(



كنت طول عمري مااحب الاحمر علي ، عندي عقده منه لحد ماعرفت السبب ..
الروج الاحمر غالباً اشتريه ع الموضه او ع اللون اللي احبه انا بالاحمر ..
و مو شرط الدرجة اللي احب اشوفها بالاحمر تكون حلوه علي :(
فعرفت ان الاندرتون يلعب دور جداً كبير
و عرفت الدرجة اللي تناسبني بالاحمر تحديداً وهي الدرجات الدافئه اكثر من الباردة

عشان تعرفون الاندرتون حقكم فية مواقع تسالك اسئلة وتطلع لك الاندرتون ( مثال )


او تقدرو ببساطه تعرفوها من عروق اليدين ... اذا العروق خضراء معناته اندرتونك اصفر او بشرتك دافئة
فالالوان الدافئة تناسبك اكثر .. الذهبيات ، الالوان الترابية ، الزيتي ، الدرجات النارية من الاحمر ... الخ

اذا العروق زرقاء او موف معناته اندرتونك ازرق .. او بشرتك باردة
فالالوان الباردة تناسبك تكثر .. الازرق ، الموف ، الوان الباستيل الباهتة ، الورديات ، الاحمر و الفوشي البارد
اذا كانت مكس بين الاثنين معناته بشرتك طبيعية فكل الالوان والدرجات راح تليق عليك ..

انا بشرتي مكس .. يعني طبيعية انما احس يليق علي الاحمر الناري اكثر ...
ف صار الاحمر المفضل عندي هو ...روج ديور ٩٩٩
احمر مايل للدرجة الناريه بس مو كثير !



الروج كريمي الملمس يرطب الشفايف بشكل جميل 
احس بكل الالوان ممكن تكون الشفايف مات الا الاحمر مو العودي او الاحمر الغامق لا اقصد الاحمر مثل الفراوله 
جماله يكون قلوسي و يلمع و يبين الشفايف رطبة ومغرية اكثر !


اللون هذي درجتة ... انسوووو تماماً درجتة بتصويري :(
عندي مشكله مع الفوتوشوب الدقه والالوان يلعب فيها بعد الحفظ :(




طبعاً بما ان القوام كريمي يعني ماراح يبقى على شفايفك فتره طويله مثل الارواج المات ..
فلازم تستخدمي هالتكنيك لاي روج غامق عندك وبالاخص الاحمر !
قشري شفايفك ورطبيها منظر القشور مزعج جداً مع اي روج و بالاخص الاحمر :(
طبطبي بشوي من الفونديشن ع شفايفك راح يخلي اللون يوضح اكثر و يقلل من تأثير لون شفايفك الاصلي ع اللون
كمان بعد ماتحددي و تحطي الروج حاولي تطبطبين بنتفه بودرة على الشفايف يخلي اللون يطول اكثر


 


لو حابة اللوك يكون جلوسي و يلمع اكثر ممكن تطبيقين بعده شوي من الليب جلوس بنفس الدرجة ..
انا عندي نفس درجة روجي ٩٩٩ واستخدمه لوحدة لو ابي لون احمر خفيف ..
مع الروج يعطي منظر افخم واجمل ويخلي الشفايف مليانه اكثر ..



وتكمله اللوك المناكير الاحمر ..
مناكير ديور .. اللون قوي وينشف بسرررررعه .. بس الثبات لكم عليه
بعد ثاني يوم يتقشر :(



دمتم بود ،

2 comments on "انثى كلاسيكية .. بشفايف حمراء !!"
  1. انا زيك
    فعلا كنت شريت احمر بارد اندرتونه ازرق بهتني 🌝
    و طلع اسناني صفففراء

    ReplyDelete
  2. يعطيك العافيه كلام مهم ومرتب ومعلومات جميله وقيمه

    ReplyDelete

Auto Post Signature

Auto Post  Signature