عطر اللحظات الاولى من يومي .. Daisy Dream

Tuesday, May 31, 2016

،



  Daisy Dream .. Marc Jacobs  

عطر من المصمم العالمي مارك جايكوب نزل بـ ٢٠١٤ ..
الحق اول مرا شميته مو مرا شدني !! .. لانه ببساطة مختلف عن ذوقي بالعطور ..
بس لما جيت ادبش كنت محددة ابي كم عطر مسائي وكم عطر صباحي  ..
فحبيت اخذ هذا كعطر رايق وناعم للصباح و كتغيير عن المعتاد ..
بس مع الايام طحت بغرامه !!

العطر مزيج بين الفواكهة و الازهار .. عشان كدا يعتبر من الخط العطري ( فلورال - فروتي )




 هو عبارة عن تطوير وتحديث لعطر ( دريم ) الاصفر اللي نزل بـ ٢٠٠٧ ! 
عشان كدا تصميم العبوة تقريباً مااختلف .. 
القديم لونه اصفر لان الاخشاب والمسك طاغي فيه اكثر .. 
بس هذا بلون ازرق كدليل انه صار ابرد وانعم .. 



 مكوناتة 

 التوب نوت  ...  كمثرى ، قريب فروت ، بلاك بيريز                                                  
 قلب العطر ... الياسمين ، الوستارية ( الورود الموف المتدلية ) ، ثمار الليتشي الصينية 
 قاع العطر ... مسك ، جوز هند ، و اخشاب                                                        




  انطباعي عنه  

العطر رايق .. بارد .. منعش للغاااااية .. جميل للصباح و فصل الربيع والصيف ..
جميل للدوام والجامعه .. ثباتة بسيط زي اي عطر من هالخط ..
مميز وفية شيء من ريحة الصابون مدري جاية من وين ههههه
بس ينعشني جدا خصووصا اني اتعطر فية بعد مااصحى من النوم .. احسه يفوقني بروقان هههه
غير ان تصميمه جميل جداً جداً وانثوي .. وجودة على التسريحة بحد ذاتة ديكور جميل

العطر موجود بكل مكان يبيع عطور .. انا اخذتة من وجوة
اظن بحدود ٤٠٠ ريال للـ ١٠٠ مل ومتوفر منه حجم اصغر ٥٠ مل


دمتم بود 


4 comments on "عطر اللحظات الاولى من يومي .. Daisy Dream "
  1. مررره احب هاللاين من العطور و العطر ذا يجنن

    ReplyDelete
  2. الباكجنق فتنهه ، ذوقك فالعطور يشبه ذوقي ان شاءالله ليا 😍😍 تجربه معاه

    ReplyDelete
  3. الباكجنق فتنهه ، ذوقك فالعطور يشبه ذوقي ان شاءالله ليا 😍😍 تجربه معاه

    ReplyDelete

Auto Post Signature

Auto Post  Signature